POP 5

Lajmet më të lexuara të 5 minutave të fundit

Kronikë

VD/Gjendet një kufomë në Itali
dyshohet e avokatit Besnik Muço 

Gjendet një trup i pajetë në Itali, i cili dyshohet se është avokati i zhdukur nga Shqipëria, Besnik Muço. Mediat italiane, trupi është nxjerrë nga dallgët në zonën e Leçes. Sipas autoriteteve italiane, dyshohet se ky trup i përket avokatit Besnik Muço, i zhdukur që nga data 2 nëntor teksa ishte nisur drejt Italisë me traget, por për të vërtetuar dyshimet do të bëhet analiza e ADN-së.  VIDEO
VD/Gjendet një kufomë në Itali<br />dyshohet e avokatit Besnik Muço <br /><br>
Gjendet një trup i pajetë në Itali, i cili dyshohet se është avokati i zhdukur nga Shqipëria, Besnik Muço.

Mediat italiane raportojnë se kufoma është gjetur në brigjet e Leçes. Lajmi është publikuar nga Corriere Adriatico ku thuhet se në 6 nëntor në provincën Castro (Leçes) është gjetur një trup i pajetë, i cili ishte në det prej shumë ditësh. Sipas autoriteteve italiane, dyshohet se ky trup i përket avokatit Besnik Muço, por për të vërtetuar dyshimet do të bëhet analiza e ADN-së.

Avokati Besnik Muço u nis nga Durrësi drejt Barit me traget në 2 nëntor. Mediat italiane shkruajnë se në zonë nuk është zhdukur ndonjë person tjetër, prandaj dyshohet se është trupi i Besnik Muços. Rezultati i ADN-së pritet të dalë brenda disa ditësh, për të konfirmuar nëse bëhet fjalë për avokatin e zhdukur ose jo. Bashkëshortja e tij ka denoncuar në Itali zhdukjen e Besnik Muços, ndërkohë që në Shqipëri kanë nisur hetimet për rrëmbim personi. Besnik Muço jetonte prej 15 vitesh në Macerata të Italisë bashkë me gruan dhe dy fëmijët.

Policia shqiptare ka sekuestruar kamerat e sigurisë të portit të Durrësit për të zbuluar nëse është rrëmbyer avokati, por deri më tani nuk ka dalë ndonjë e dhënë. Besnik Muça sipas sistemit TIMS ka bërë “Check-in” në Portin e Durrësit, drejt Barit dhe dyshohet se ai është zhdukur në tragetin e linjës Durrës-Bari.

Besnik Muça punonte si avokat prej disa kohësh në Tiranës. Ai kishte dokumente të rregullta qëndrimi për në Itali dhe ushtronte edhe profesionin si avokat i lirë. Ai udhëtonte dy herë në muaj drejt Italisë, për të qëndruar me familjen. Sipas dëshmisë së gruas në Itali, në komunikimin e fundit që ajo kishte pasur me bashkëshortin, nuk ishte shfaqur i shqetësuar. Edhe vëllai i Besnik Muços ka konfirmuar në polici se ai nuk ishte i shqetësuar gjatë takimeve që kishte zhvilluar me të.

d.c./shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça