FIER- Është dashur vdekja e një fëmije 3-vjeçar që Ministria e Arsimit të kuptojë që kopshti ‘Flatrat e Dijes’ në Fier nuk plotësonte as standardet minimale për të qenë një kopësht. Ky kopësht privat nuk kishte drejtues dhe as personel të kualifikuar për mësimdhënien, kishte regjistruar fëmijë të moshës nën 3 vjeç, në kundërshtim me ligjin dhe ka pranuar fëmijë mbi numrin e lejuar, nuk plotëson kushtet minimale, si edhe ka pasur probleme me dokumentacioni.
Pikërisht si rezultat i këtyre shkeljeve, Ministria e Arsimit, rreth 4 javë pas humbjes së jetës së tre vjeçarit ka marrë vendimin për të mbyllur kopështin privat ’Flatrat e Dijes’ në lagjen Sheq i Vogël të qytetit të Fierit.
“Ministria e Arsimit dhe Sportit, nisur nga rasti tragjik i Fierit, kërkoi menjëherë nga Drejtoria e Arsimit Parauniversitar Publik (DPAP) ngritjen e një grupi pune për inspektimin e institucionit arsimor parashkollor, kopshti “Flatrat e Dijes”. Sipas relacionit të grupit të punës janë gjetur këto shkelje:
Nuk ka drejtues Didaktik. Ka regjistruar fëmijë të moshës nën 3 vjeç, në kundërshtim me ligjin. Personeli mësimdhënës nuk plotëson kriteret e parashikuara në ligjin 69/2012 neni 57. Nuk plotëson standardet infrastrukturore. Ka regjistruar dhe pranuar fëmijë mbi numrin e lejuar. Nuk ka përmbushur detyrimet në lidhje me dokumentacionin e nevojshëm, duke përfshirë edhe kontratat me prindërit. Nisur nga këto shkelje, MAS mori vendimin për mbylljen e veprimtarisë së këtij kopshti dhe revokimin e licencës nga QKB”, njofton Ministria e Arsimit.
Fëmija 3-vjeçar ndërroi jetë në kopështin ‘Flatrat e Dijes’ më datë 7 janar. Lidhur me këtë ngjarje është arrestuar edukatorja Redina Binjaku. Edukatorja akuzohet nga prokuroria për shkelje të rregullores në punë. Sipas dëshmisë së edukatores 27-vjeçare, 3-vjeçari ka tentuar të marrë çantën dhe i ka ngecur kapuçi i xhupit në varëse e për pasojë është mbytur, ndërsa kamerat e sigurisë në kopsht pritet të zbulojnë gjithçka ndodhi që solli vdekjen një 3-vjeçarit.
Sipas dëshmisë, Binjaku ka qenë duke tundur një fëmijë të grupit për ta vënë në gjumë, në atë moment 3-vjeçari është shkëputur dhe ka dalë nga klasa për të marrë xhupin. Pas 2 minutash edukatorja ka kërkuar, ku vajti 3-vjeçari, ka dalë nga klasa dhe e ka gjetur të mbytur tek varësja e rrobave. I ka dhënë ndihmën e parë, frymëmarrje artificiale, ka kërkuar ndihmë, por fëmija nuk ka mundur të shpëtojë.
Ekzistenca e kamerave të sigurisë ka qenë objekt debatit ku ka qenë daja e 3-vjeçarit që ka thënë se nga përfaqësues të kopshtit fillimisht i janë premtuar pamjet, por më tej i është thënë se nuk ekzistojnë. Fotot e siguruara nga Report Tv tregojnë se kamerat ekzistojnë dhe nuk kuptohet arsyeja se pse fshihen nga pronarët e kopshtit. Të afërmit e 3-vjeçarit dhe nëna Donalda Kodheli kërkojnë drejtësi për humbjen e djalit.
(Klikoni këtu për të lexuar dokumentin)
Komente
Lajme të tjera
-
Lushnjë/ Mbahet mesha e shenjtë e Krishtlindjeve në Kishën Katolike ‘Pjetri dhe Pali’, marrin pjesë besimtarë të shumtë
24 Dhjetor, 21:51 -
Miratohet buxheti i bashkisë së Fierit, këshilltarët e opozitës bashkojnë votat me PS-në
24 Dhjetor, 15:26
-
Fier/ Përplasen 2 automjetet ‘Benz’ në Levan-Tepelenë, 4 persona përfundojnë të plagosur në spital (VIDEO)
23 Dhjetor, 20:31 -
Moti i keq në Fier, reshjet intensive lënë pa energji elektrike Libofshën dhe rrethinat e saj
23 Dhjetor, 16:29 -
Moti i keq, Fieri përfshihet nga rrebeshet e shiut me erëra të forta! Vështirësohet qarkullimi, probleme me energjinë në Frakull
23 Dhjetor, 10:27 -
Do të shpërndahen mbi 20 mijë libra artistikë për bibliotekat shkollore, Rama: S’ka dhuratë më të bukur në këtë prag festash
23 Dhjetor, 08:38 -
Aksident në aksin Fier- Lushnjë/ Makina e forcave ‘Shqiponja’ përplaset me barrierën ndarëse (VIDEO)
22 Dhjetor, 12:23 -
TikTok do mbyllet për 1 vit në Shqipëri, Rama: Rrugaçëri, promovon dhunë e krim! Institut për fëmijët në konflikt me ligjin
21 Dhjetor, 13:17 -
3 muaj në qelinë 6 në Fier, Salianji reagon për mandarinat me pesticide: Vidhen fondet e BE, fermeri në mëshirë të fatit
21 Dhjetor, 12:00 -
Fier/ Morën zhavorr në Lumin e Vjosës, Prokuroria dërgon për gjykim 3 persona
21 Dhjetor, 10:31 -
‘Bankers’ investoi 10 milionë USD për komunitetin në 15 vite! Xiao: Përmirësojmë jetën e banorëve në Patos-Marinzë
20 Dhjetor, 17:17 -
Aksident në Lushnjë, një shofer i plagosur nga karambolimi i dy mjeteve! Shkak dyshohet shpejtësia e veturës
20 Dhjetor, 14:26
Ju hengert mortja, duhej te behej ky femije kurban qe te kontrollonit ju, nese i plotesonte kushtet apo jo. Plehra.Vrases!
PërgjigjuPo pronarin ose administratorin do i coni per pushime ne Maldive? Neser hapin kopesht tjeter apo jo??? Ndonje kallezim penal ka bere ministria apo ce do??
PërgjigjuNe fakt kete pyetje kam patur gjithe kete kohe ne mendje, kush duhet ti kontrolloje kopshtet qe te sigurohet qe te mos kete shkelje. Pse keto institucione shteterore duhet te presin qe te ndodhe kjo gje kaq e rende qe te fillojne me kontrollet dhe te sigurojne cilesine? A mbajne pergjegjesi keto institucione qe nuk e kane bere punen sic duhet? Se duhet ta zgjidhim problemin nga rrenja qe ti minimizojme keto ngjarje tragjike. A mundet gazetari qe e ka bere kete shkrim, te investigoje me shume qe ne si prinder qe cojme femijet ne kopshte dhe shkolla private, te kuptojme kujt duhet ti kerkojme llogari. Shume faleminderit nese investigoni me tej.
Përgjigjupronari i kopshit duhet te perfundoje ne burg per vrasje plus gjerat e tjera qe kan zbuluar tani por ne te njejten qeli duhet te mbyllet dha kush i ka dhene lejen per kopesht kur mbas kontrollit nuk i ka sinjalizuar mangesite
PërgjigjuMbylleni kopeshtin dhe arrestoni pronarin....
PërgjigjuA ka mundesi te jeni korrekte dhe mos te nxirrni foton e femijes se ndjere! Cfare lloj gazetarie eshte kjo!
Përgjigju90% e kopshteve Private,ndoshta...nuk i plotësojnë kushtet?!
Përgjigju