Vdekja e 22 vjeçares keniane muaj pasi u dhunua në Tiranë, qytetarët protestojnë para prokurorisë: Hetimet për të u neglizhuan vetëm sepse ishte me ngjyrë

Qytetarë të Tiranës janë mbledhur në një protestë përballë prokurorisë së kryeqytetit ku kërkojnë zbardhjen e dhunës së ushtruar ndaj 22 vjeçares keniane Joy Aoko e cila vdiq pak ditë më parë në një spital të Kenyas. Në prej aktivisteve tha se vdekja e të resë është neglizhuar nga organet shtetërore shqiptare për faktin se ishte me ngjyrë. 

“Unë mendoj se kjo vrasje e Xhoit ështrë një vrasje e gjithëfishtë.  Edhe fakti që ishte një grua me ngjyrë, nëse do ishte qytetare e një vendi perëndimor, qasja e institucioneve këtu do ishte këtu. Mendoj se drejtësia funksionon ndryshe për njerëzit e pasur dhe ndryshe për të varfërit. Kjo është protesta e dytë, nuk e di se çfarë do të ndodhë. Unë nuk dua të humbas shpresën sepse mendoj se ne si gra nëse humbasim shpresën atëherë kemi marrë fund të gjithë”- u shpreh aktivistja e shoqërisë civile, Xhoi Karaj.

Kjo është protesta e dytë e mbajtur për të renë keniane. Në protestë kanë marrë pjesë edhe bashkëkombas të kenianes të cilët kritikojnë ashpër institucionet shtetërore për neglizhencën që kanë treguar për këtë ngjarje.

Prokuroria e Tiranës ka dërguar letërporosi prokurorisë së Kenias dhe i ka kërkuar që t’i vërë në dispozicion autopsinë që i është bërë 22-vjeçares në morgun e spitalit ku ndërroi jetë. Kjo kërkesë vjen në kuadër të hetimeve të prokurorisë së Tiranës për vdekjen e Joy Ayoko.  22-vjeçarja ndërroi jetë në Kenia ndërsa lajmi u konfirmua nga nëna e saj Ruth Abongo për Report Tv.  22-vjeçarja u largua nga Shqipëria më 25 janar të këtij viti, drejt vendlindjes për t’u mjekuar në spitalin Kenyatta, në Kenia. Joy u largua nga spitali i Traumës në “half coma”, pra gjysmë koma, e pavetëdijshme.

Kujtojmë se që prej 14 gushtit të vitit 2022 vajza nga Kenia u shtrua për kurim në spitalin e Traumës, pasi u dhunua brutalisht dhe u hodh nga kati i dytë i banesës ku jetonte në rrugën "Pandeli Evangjeli" në Tiranë, megjithëse ngjarja është ende e mbuluar me mister. Rasti i dhunimit të 22-vjeçares solli në Tiranë edhe përfaqësues të ambasadës keniane në Itali. Ata diskutuan me nënën e Joy, mjekët që kujdesen për të renë në spital dhe më pas u takuan me efektivët e policisë që po hetojnë ngjarjen, të cilët i kanë çuar në banesën ku ndodhi dhunimi brutal i 22-vjeçares.

Deri më tani, askush nuk është arrestuar në lidhje me rastin, por policia pretendoi se ata janë në ndjekje të autorëve. 22-vjeçarja keniane prej 14 gushtit ndodhej në koma e shtruar në spitalin e Traumës me brinjë e kocka të thyera, lëndime në dorë e stomak dhe dëmtime në tru. Dyshohet se 22 vjeçarja është hedhur nga ballkoni i dhomës së pallatit ku qëndronte, dhe denoncimin në polici e bëri nga një prej shoqeve.  E reja punonte në një kazino të Tiranës ku jetonte prej kohësh së bashku me disa shoqe të saj gjithashtu nga Kenia. Nëna e vajzës keniane, që jetonte në Tiranë me disa shoqe të saj, u njoftua nga kompania e kazinosë që vajza e saj kishte përfunduar në spital. Sipas saj vajza u kishte treguar shoqeve se përndiqej nga një shofer taksie i cili vazhdimisht i kërkonte të krijonin raporte intime.

B.V/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Iris: 21/02/2023 02:00

    Po Berisha e Meta cfare ngjyre kane qe nuk u hetuan per kaq vjet per mekatet e tyre?!

    Përgjigju
  • [email protected]: 20/02/2023 18:12

    Bravo per solidarizimin.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet