Vdekja e 3-vjeçarit në Tiranë, Prokuroria kërkon sekuestrimin e kamerave të sigurisë në klinikë dhe zonën për rreth  

Policia akoma nuk ka administruar pamje të kamerave të sigurisë në Spitalin e Zemrës të mjekut Roland Xhaxho, për të kuptuar nëse 3-vjeçari Brian Spahia ka dalë nga aty në krah dhe pa ndjenja siç pretendojnë familjarët, apo në gjendje të ndërgjegjshme siç pretendon mjeku Xhaxho. Këtë të enjte, me vendim të prokurorisë së Tiranës i është dhënë urdhri policisë për t'u rikthyer sërish në klinikë dhe zonën përreth për të sekuestruar pamje filmike.

Report Tv sjell edhe pamje rreth zonës dhe klinikës private, ku duket se klinika ka një kamer në ambientet e jashtme. Ndërkohë, mjeku Xhaxho pretendon se nuk ka kamera në ambientet brendshme, por kjo pritet të verifikohet nga policia. Ndërkohë është edhe një tjetër kamer e një godine që mund të ketë regjistruar pamje kur familjarët kanë dalë nga klinika me 3-vjeçarin. 

Lajmi kryesor:

Vdekja e 3-vjeçarit pas ndërhyrjes kirurgjikale në Tiranë, Prokuroria nis hetimet! Babai për Report Tv: Doli në gjendje të rëndë, iu dëmtuan organet

SI.E./r.k./Shqiptarja.com

TAG:
• Bledar Spahiu
• ina xhaxho
• roland xhaxho
• Tirane
• Brian Spahiu