Vdekja e binjakëve, flet shefi i Pediatrisë: Erdhën pa jetë, u tronditëm, enigmë shkaku (VIDEO)

Flet shefi pavaionit të Pediatrisë Vladimir Kumaraku u shpreh për Report Tv se shkaku i vdekjes së dy foshnjeve është mister deri tani. Ai tha se prindërit i sollën pa shenja jete, ndërsa tani priten përgjigjet nga mjekësia ligjore.

"Dy fëmijët binjakë erdhën në repartin e Pediatrisë pa shenja jete, kishin filluar shenjat që vdekja ka ndodhur minuta përpara. U mbajtën në repart derisa erdhi policia e Beratit, drejtoria, mjekësia ligjore dhe pastaj filluam procedurat për shkakun.

Është një ngjarje që na trondit të gjithëve, por shkaku mbetet enigmë. Ardhja e tyre ishte rreth orës 10:00 dhe u bënë të gjitha veprimet. U dërguan në morgun e spitalit, atje vijoi më pas procedura. Nuk kanë qenë fëmijë në ndjekje mjekësore deri në çastin e vdekjes, familjarët nuk paraqitën gjë konkrete, por i sollën pa shenja jete" tha ai.


Lajmi kryesor:

E rëndë, vdesin binjakët 5-muajsh në Berat, prindërit dyshojnë te qumështi, mjekët te asfiksia nga soba: U tronditëm (VIDEO)


d.ba./Shqiptarja.com
  • Sondazhi i ditës:

    "Lufta" ndaj COVID-19/ A mendoni se duhet të bëhen më shumë testime?