POP 5

Lajmet më të lexuara të 5 minutave të fundit

Kronikë

Vdekja e italianit, Tavo:
Mjeku me leje, spitali me licence

Ministri i Shëndetësisë, Vangjel Tavo reagoi në lidhje me vdekjen e italianit Luca Olivoto, pas kurimit për sëmundjen e kancerit që mori nga mjeku italian Tullio Simoncini, në një klinikë private në Tiranë, Universal hospital.
Vdekja e italianit, Tavo: <br />Mjeku me leje, spitali me licence
TIRANE - Ministri i Shëndetësisë, Vangjel Tavo reagoi në lidhje me vdekjen e italianit Luca Olivoto, pas kurimit për sëmundjen e kancerit që mori nga mjeku italian Tullio Simoncini, në një klinikë private në Tiranë, Universal hospital.

Tavo tha se Simoncini është i pajisur me dokumentacion të rregull. Ai ka marrë lejen nga Urdhri i Mjekut Shqiptar, pasi konvertoi diplomën.

Ndërkaq, në lidhje me spitalin ku italiani mori kurim, ministri i Shëndetësisë tha se spitali është pajisur me leje në vitin 2009. “Ministria e Shëndetësisë është autoriteti që kontrollon funksionimin e spitalit dhe jo vetëm cilësinë e shërbimit nga ana etike, por edhe profesionale. Mjeku ka pasur dokumente të rregullta, ka qenë në Shqipëri dhe pas konvertimit të diplomës ka marrë lejen nga Urdhri i Mjekut Shqiptar”, tha Tavo për Tv A1 Report.

I pyetur nga gazetari Arsen Rusta, në lidhje me rastin e vdekjes së 27-vjeçarit dhe kurës që ai merrte nga mjeku italian në klinikën shqiptare, Tavo nuk komentoi duke ia lënë këtë çështje rezultateve hetimore të prokurorisë shqiptare e cila po bashkëpunon me atë italiane.

27-vjeçari ndërroi jetë më 18 tetor të këtij viti, pasi për sëmundjen e kancerit ai mori si kurim nëpërmjet injeksionit sodë buke nga mjeku italian Tullio Simoncini . Trajtimi në klinikë kushtoi 389 mijë euro, ndërsa vdekja e tij është denoncuar nga vetë të afërmit.

(Gre.M/Shqiptarja.com)

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Akuzat e PD-së, reagon Gonxhja: Opozitë me menu fikse! OBP ka bërë revolucion në fushën e prokurimit publik, ka marrë përgëzimet e evropianëve

Akuzat e PD-së, reagon Gonxhja: Opozitë me menu fikse! OBP ka bërë revolucion në fushën e prokurimit publik, ka marrë përgëzimet e evropianëve

22 Dhjetor, 17:21