Foto: Volodymyr Zelensky dhe Papa Françesku

Presidenti amerikan Donald Trump, ai francez Emmanuel Macron dhe homologu i tyre ukrainas, Volodymyr Zelensky kanë njoftuar se do të marrin pjesë në varrimin e Papa Françeskut, i cili ndërroi jetë një ditë më parë.

"Melania dhe unë do të shkojmë në funeralin e Papa Françeskut në Romë", shkroi në ‘Truth’ presidenti amerikan.

Ndërkohë Macron tha për mediat lokale: Ne do të jemi të pranishëm në funeralin e Papës, siç është e drejtë”.

"Presidenca është në pritje të datës së funeralit të Papës dhe po përgatitet për vizitën e presidentit ukrainas në Romë për t'i dhënë lamtumirën Papës," tha një burim në kushte anonimiteti.


Lajmi kryesor:

Nga nesër homazhe për Papa Françeskun në Vatikan, ceremonia mortore të shtunën në 10:00! Do marrin pjesë liderë nga e gjithë bota, Italia 5 ditë zie (VIDEO)