Të shtunën, më 26 prill, duke nisur nga ora 10:00, do të zhvillohet ceremonia e lamtumirës për Papa Françeskun në Vatikan. Vetë Selia e shenjtë publikoi pamjet e para të trupit të pontifit në arkivolin e drunjtë, i cili pas qëndrimit një natë në rezidencën “Santa Marta”, do të transferohet të mërkurën në Bazilikën e Shën Pjetrit për t’u ekspozuar për besimtarët. 

Ashtu siç është paralajmëruar, pas ceremonisë në Shën Pjetër të shtunën trupi  i Papa Françeskut do të dërgohet Bazilikën e Santa Maria Maggiore për t’u varrosur aty, amanet të cilin vetë Ati i Shenjtë e kishte lënë.

Presidenti amerikan, Donald Trump dhe zonja e parë Melanie, konfirmuan ndër të parët liderë botërorë praninë e tyre në homazhet e së shtunës, kur priten që në Vatikan të zbarkojnë drejtues të shteteve dhe qeverive nga e gjithë bota. Pjesëmarrjen e kanë konfirmuar edhe kreu i Elizee Emanuel Macron apo presidenti ukrainas Volodimir Zelensky. Rusia ka konfirmuar se Vladimir Putin nuk do të marrë pjesë. 

Qeveria italiane ka urdhëruar marrjen e të gjitha masave për mbarëvatjen e këtyre ditëve deri në ceremoninë zyrtare, ndërsa ka vendosur edhe 5 ditë zie kombëtare.

Mesazhet e ngushëllimit vijnë nga anekënd globit. Edhe Kina, përmes ministrit të Jashtëm shprehu dhimbjen për humbjen e Papës. Ky ishte reagimi i parë zyrtar i Pekinit 24 orë nga njoftimi i Vatikanit për shuarjen e Papës. Nuk është ende e qartë nëse Kina do të dërgojë një përfaqësues apo një delegacion në funeralin e Papa Françeskut.

Në Shtetet e Bashkuara ish-presidenti Bill Clinton dhe gruaja e tij, ish-sekretarja e Shtetit Hillary Clinton, në një mesazh ngushëllimi e quajtën jetën dhe trashëgiminë e Papa Françeskut të jashtëzakonshme.

E shtuna e varrimit do të shënjojë edhe nisjen e asaj që quhet ‘novediali’, 9 ditët e zisë që do të pasojnë. Vetëm pas këtyre 9 ditëve do të mund të caktohet një datë për mbledhjen e konklavës së re, e cila do të zgjedhë kreun e ri të Kishës Katolike.

Papa Françesku ndërroi jetë në moshën 88-vjeçare të hënën e 21 prillit 2025. Vatikani tha se Papa vdiq pasi pësoi një goditje në tru dhe arrest kardiak, duke i dhënë fund një sundimi shpesh të turbullt, në të cilin ai vazhdimisht u përplas me tradicionalistët dhe mbrojti të varfërit dhe të margjinalizuarit. Papa kaloi pesë javë në spital në fillim të këtij viti duke vuajtur nga pneumonia e dyfishtë. 

Rendit zhvillimet sipas orarit:
Ora 11:50
'Më tha qesh', Giorgia Meloni rrëfen bisedën e fundit me Papa Françeskun

Foto: Giorgia Meloni dhe Papa Françesku

Kryeministrja e Italisë, Giorgia Meloni, ka ndarë një kujtim nga takimi i saj i fundit me Papa Françeskun.

"Takimi i fundit ishte të hënën e kaluar. E pashë shumë të lodhur, prandaj nuk qëndrova gjatë me të. Pavarësisht gjendjes së tij shëndetësore ai nuk e kishte humbur sensin e tij të zakonshëm të humorit. "Si je?", e pyeta duke u përpjekur të fsheh shqetësimin tim. Dhe ai u përgjigj menjëherë: "Epo, unë jam akoma gjallë", qeshi , dhe pastaj më tha të qeshja me të. Një gjë të cilën ai u përpoq t'ua transmetonte të gjithëve rreth tij, kujtdo që pati fatin ta takonte”, tha Meloni në një intervistë për 'Il Messaggerò.

Xh.K/Shqiptarja.com

Ora 11:10
Vdekja e Papa Françeskut, kush janë disa nga liderët botërorë që do të marrin pjesë në ceremoninë mortore

Foto: Volodymyr Zelensky dhe Papa Françesku

Presidenti amerikan Donald Trump, ai francez Emmanuel Macron dhe homologu i tyre ukrainas, Volodymyr Zelensky kanë njoftuar se do të marrin pjesë në varrimin e Papa Françeskut, i cili ndërroi jetë një ditë më parë.

"Melania dhe unë do të shkojmë në funeralin e Papa Françeskut në Romë", shkroi në ‘Truth’ presidenti amerikan.

Ndërkohë Macron tha për mediat lokale: Ne do të jemi të pranishëm në funeralin e Papës, siç është e drejtë”.

"Presidenca është në pritje të datës së funeralit të Papës dhe po përgatitet për vizitën e presidentit ukrainas në Romë për t'i dhënë lamtumirën Papës," tha një burim në kushte anonimiteti.

Xh.K/Shqiptarja.com

Ora 09:42
FOTOLAJM/ Vatikani publikon pamjet e Papa Françeskut në arkivol

Foto: Trupi Papa Françeskut në arkivol

Vatikani ka publikuar fotot e Papa Françeskut në arkivolin e tij.

Ndërkohë kardinalët janë mbledhur në Vatikan këtë mëngjes për të filluar planifikimin e funeralit të Atit të Shenjët dhe ritualeve që do të mbahen – të cilat shënojnë fundin e një papati dhe fillimin e tjetrit.

Dalja e fundit e tij ishte pikërisht në festën e Pashkëve, ku uroi dhe bekoi njerëzit.

Xh.K/Shqiptarja.com

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 19 Maj, 20:20

    Berisha kalon për gjykim për dosjen Partizani, a do të ketë drejtësi?

Lajme të tjera