Përshkallëzimi i dhunës në ndeshjet e kampionatit francez të futbollit ka bërë që Ministria e Brendshme në Francë të ndalojë udhëtimin e tifozëve miq në tëtë ndeshjet e Ligue I dhe Kupës.
Javën e kaluar dhuna në futbollin francez kulmoi me vrasjen e një tifozi në Nice përpara ndeshjes me Nantes, ku sportdashësi u godit me thikë para sfidës. Tanimë sipas ministrit të Brendshëm Gerald Darmanin, për javën e 15-të të Ligue I në stadiumet përkatëse nuk do lejohen tifozët miq dhe nuk do ketë udhëtime të organizuara prej tyre në pesë sfida.
Veç saj, edhe tre ndeshjet e Kupës së Francës që luhen mesjavën që vjen do kenë të njëjtin fat për tifozët miq. Sipas dekretit përkatës, të publikuar në Fletoren Zyrtare, ndeshje të tilla paraqesin një “rrezik real dhe serioz përplasjesh mes tifozëve”, në kuadër të “acarimit të dhunës gjithnjë e më të rëndë të vërejtur që nga fillimi i sezonit futbollistik”.
Ndeshjet e prekura në kampionat janë Montpellier-Lens, PSG-Nantes, Nice-Reims, Lyon-Tulouse dhe Lorient-Marseille.
Ditë më parë, ministrja e Sportit në Francë, Amelie Oudea-Castera tha se ishte pro “moratoriumit të udhëtimit të tifozëve”. Ndër episodet më të rënda të javëve të fundit ishte sulmi me gurë në autobusin e Lyonit pas mbërritjes në stadiumin e Marseille, 29 tetorin e kaluar, me plagosjen e trajnerit të atëhershëm të skuadrës Fabio Grosso dhe pjesëtarëve të tjerë të stafit.
Lajme të tjera
-
Presidenti kinez do të vizitojë Francën, Serbinë e Hungarinë
29 Prill, 13:20 -
Zyrtare/ PSG kampione e Ligue I për herë të 12-të në histori
28 Prill, 21:36 -
Franca dhe Gjermania arrijnë marrëveshje për “tanket e së ardhmes”
26 Prill, 18:03 -
Anulohen mijëra fluturime për shkak të grevës të kontrollorëve ajrorë në Francë
25 Prill, 15:52 -
FOTOT: Dua Lipa pushton kopertinën e revistës prestigjoze
19 Prill, 17:39 -
VIDEO/ Paris, hyri në konsullatën iraniane dhe kërcënoi se do shpërthente veten me eksploziv, arrestohet i dyshuari
19 Prill, 15:57 -
Lojërat Olimpike në Paris, ambasadorja franceze: Uroj që Shqipëria të fitojë sa më shumë! Terrorizmi mbetet kërcënim
17 Prill, 20:57
-
Franca pezullon shitjen e avionëve luftarakë Rafale për Serbinë
15 Prill, 09:57 -
Mero Baze: Rikthimi i dytë i Francës në botën shqiptare
14 Prill, 09:06
-
Policia në Paris thotë se po e fiton luftën kundër krimit afër Kullës Eiffel
13 Prill, 13:42 -
'Le Figaro': Rama vlerëson partneritetin me Francën
13 Prill, 09:52 -
Hajduti shqiptar vjedh bizhuteri me vlerë rreth 150 mijë euro, gabimi që çoi në zbulimin e identitetit të tij
3 Prill, 22:19
