Ditën e sotme është ndarë nga jeta prej COVID ish-kryebashkiaku i Kavajës, Selim Veizi. Prej ditësh 73-vjeçari Veizi ishte i infektuar me koronavirus.
Selim Veizi ka qenë kryetari i parë i Bashkisë së Kavajës në periudhën postkomuniste.
Në lidhje me këtë humbje ka qenë Presidenti i Shqipërisë, Ilir Meta, i cili përmes një postimi në rrjetet sociale ka shprehur ngushëllimet dhe vlerësimin e tij për figurën e z. Veizi.
![](https://shqiptarja.com/template/img/NO_ALFA_Kuadrate shqiptarja.png)
"Në këtë ditë të trishtuar për familjen e Tij dhe qytetin e Kavajës, shpreh ngushëllimet e mia më të thella për ndarjen jeta të z.Selim Veizi, kryefamiljarit model dhe nëpunësit të përkushtuar të shtetit, i cili udhëhoqi përmes vështirësish Bashkinë e Kavajës, si i pari Kryetari i zgjedhur i saj pas vendosjes së sistemit demokratik.
Nder, respekt dhe mirënjohje kontributit të Selim Veizit në shërbim të komunitetit kavajas dhe modernizimit të institucioneve shtetërore!
I paharruar kujtimi i Tij", shkruan Presidenti Meta.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)