Veliaj jep lajmin e mirë për studentët: Projektet e ardhshme për rininë, që nga praktikat e paguara deri te granti për të hapur një biznes

Veliaj jep lajmin e mirë për studentët: Projektet e ardhshme për rininë, që nga praktikat e paguara deri te granti për të hapur një biznes

Kryetari i Bashkisë së Tiranës, Erion Veliaj me një grup studentësh

Kryetari i Bashkisë së Tiranës, Erion Veliaj priti në sallën e Këshillit Bashkiak një grup studentësh nga universitete të ndryshme të kryeqytetit, me të cilët shkëmbeu ide për projekte për rininë. Një ndër propozimet e kryebashkiakut ishte që në çdo cep të Tiranës të krijohen hapësira për të rinjtë që kanë pasion teknologjinë, e cila është e ardhmja.

“Projektin pilot të TUMO-s që kemi nisur tek “Air Albania”, do ta çojmë në nivel makro te “Piramida”, ku shkojmë nga 500 nxënës që mësojnë teknologji informacioni, në 5000 nxënës. Por ideja është që ta bëjmë këtë në çdo qytet. Në Tiranë kemi bërë 8 biblioteka të reja, sigurisht që ka nevojë për më shumë, por e gjetëm me zero”, u shpreh Veliaj.

Ai foli edhe për kartën e studentit, e cila tashmë ofron 1050 shërbime të ndryshme. “Tjetër fushë ku avancuam shumë është Karta e Studentit, si pjesë e Paktit me Universitetin. Aty kemi kaluar mbi 1050 shërbime. Duhet ta kishte bërë administrata e kaluar, por nuk e bëri”, vijoi ai.

Ndërsa, një lajm i mirë për të gjithë studentët, është edhe fakti që në Bashkinë e Tiranës zhvillohen praktika kundrejt një pagese për të rinjtë, duke i motivuar ata.

“Në Bashkinë e Tiranës i kemi praktikat të paguara. Për 1 mijë studentë japim mundësinë që të ndërtojnë CV-në e tyre, për të shpangur atë pyetjen: ‘Ku ke punuar më përpara?’. Pra, kjo mundësi ndihmon studentët që kur të kërkojnë punë të mos e fillojnë nga zero”, shtoi Veliaj.

“Një nga gjërat që duam të bëjmë më mirë është të rrisim fondet për grante për start up-et rinore. Mjafton të kesh një ide të mirë dhe merr grantin, të cilin s’ke nevojë ta kthesh”. Ky është një tjetër projekt i Bashkisë së Tiranës për të ndihmuar studentët që të integrohen sa më lehtë në jetë, pasi të dalin nga bankat e shkollës.

Ndër të tjera, kreu i Bashkisë foli edhe për konviktet, që po rindërtohen nga e para, me cilësi më të mirë dhe me kushte më moderne. Veliaj shkëmbeu ide edhe për vitin e ardhshëm, ku Tirana do të jetë “Kryeqyteti Europian i Rinisë”. Ai inkurajoi të rinjtë që t’i kushtojnë një vëmendje të veçanë sepse do ketë turistë nga e gjithë bota dhe plot aktivitete për rininë.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Investimi i dhëndrit të Trump në Sazan, jeni dakord?



×

Lajmi i fundit

Mero Baze: Marrëveshja e normalizimit” është shans për të normalizuar Lulizm Bashën dhe PD

Mero Baze: Marrëveshja e normalizimit” është shans për të normalizuar Lulizm Bashën dhe PD