POP 5

Lajmet më të lexuara të 5 minutave të fundit

Kronikë

Veliaj në Ndroq: Viti ynë kampion i hapjes së shkollave, ne investohemi në arsim jo në injorancë

Në nisje të vitit të ri shkollor, kreu i Bashkisë së Tiranës, Erion Veliaj inspektoi sot marrjen e masave në shkollën 9-vjeçare “Bashkim Berisha” në Ndroq.

Veliaj në Ndroq: Viti ynë kampion i hapjes së shkollave, ne investohemi në arsim jo në injorancë

Erion Veliaj në shkollën “Bashkim Berisha” në Ndroq

Në nisje të vitit të ri shkollor, kreu i Bashkisë së Tiranës, Erion Veliaj inspektoi sot marrjen e masave në shkollën 9-vjeçare “Bashkim Berisha” në Ndroq, e cila është rikonstruktuar për 270 nxënësit. Veliaj tha se bashkia ka investuar njësoj, me të njëjtën cilësi, si në qendër, edhe në periferi.

“E kemi balancuar qendrën me periferinë. Ishte mision i bashkisë për të mbajtur fjalën, për të thënë se siç investojmë në ish Bllok, investojmë edhe këtu në Ndroq, edhe në Vaqarr, edhe në Pezë, edhe në Farkë, në të gjitha periferitë e Tiranës. Më vjen mirë që shkolla e Ndroqit, “Bashkim Berisha”, ka një mjedis të rinovuar, me ambiente të dyfishuara dhe një staf pedagogjik fantastik”, deklaroi ai.

Veliaj shtoi se diferenca mes administratës së mëparshme, e cila nuk bëri asnjë shkollë, dhe të sotmes, është e qartë. “Pavarësisht se si do shkruhet historia e qytetit, diferenca mes nesh dhe atyre që ishin përpara është e qartë: Ne kemi ndërtuar shkolla, shkolla, shkolla, sepse investimi tek e ardhmja është investimi më i sigurt. Më shumë se sa të investohemi në asfalt, për të cilin do ketë gjithmonë nevojë, parapëlqejmë të themi se çerdhet, kopshtet, shkollat duhet të jenë model. Po u rrit gjenerata e çunave dhe gocave të Tiranës me këtë cilësi, me edukatë, mirësjellje, me solidaritet, me aftësi, qoftë për gjuhë të huaja, qoftë për matematikë, fizikë apo shkenca, atëherë sigurisht që ky qytet ka të ardhme”, tha Veliaj.

Kryebashkiaku nënvizoi se ky vit ka qenë viti kampion i hapjes së shkollave, kopshteve e çerdheve të reja.

“Ky ndoshta, ka qenë viti ynë kampion i hapjes së shkollave, kopshteve e çerdheve të reja, çka bën një kontrast shumë të madh. Nuk dua të merrem me politikë, por jam shumë i lumtur kur shoh se një Berishë ka emrin e shkollës në Ndroq, e cila quhet “Bashkim Berisha”. Ka nevojë për bashkim, jo për “përçarje Berisha”, jo për “toksinë Berisha”, jo për “helm Berisha”, jo për “ndasi Berisha”. Kemi nevojë për bashkim. Emri i “Bashkim Berishës”, i një sportisti, do të thotë se ne i respektojmë të gjithë njerëzit, por sidomos ata njerëz që janë për bashkim dhe solidaritet”, vijoi Veliaj.

Ai deklaroi se edhe sfida në betejën e ardhshme, është mes atyre që janë për bashkim dhe investojnë edhe arsim dhe atyre që përçajnë e shpifin. “Në sfidën që do kemi vitin tjetër, beteja do jetë kush na bashkon dhe kush na përçan, kush investohet në arsim, kush investohet në injorancë; kush investohet në të vërtetë dhe kush investohet në fakte të rreme apo në përçudnimin njerëzor të atyre vlerave që na bashkojnë”, tha kryebashkiaku.

Shkolla "Bashkim Berisha” në Ndroq

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Kosova mbyll dy ndërmarrje publike serbe në veri! Sveçla: Grumbullonin pagesa në mënyrë të paligjshme!

Kosova mbyll dy ndërmarrje publike serbe në veri! Sveçla: Grumbullonin pagesa në mënyrë të paligjshme!

26 Dhjetor, 21:13