Në Petrelë, ku u ndal në turin e riorganizimit të Partisë Socialiste në çdo njësi, drejtuesi politik i Qarkut të Tiranës, Erion Veliaj tha se të rinjtë, sidomos ata që do të votojnë për herë të parë në zgjedhjet e vitit 2023, duhet t’i dinë bëmat famëkeqe që i shpalluri non-grata, Sali Berisha, i ka bërë Shqipërisë.
Në takimin ku veç socialistëve të Petrelës, morën pjesë edhe ata të Baldushkut dhe Farkës, Veliaj theksoi se ashtu siç Saliu po mban peng partinë e tij, ashtu kërkon të marrë peng edhe një herë Shqipërinë.
“Thotë jam shpresë për Shqipërinë. Për Shqipërinë? Seriozisht? E mbani mend ’96? Po ’97 me piramidat? Po ’98, me tanket nëpër Tiranë? Po Gërdecin dhe 21 Janarin? Seriozisht është ky shpresa për Shqipërinë? Një plak 80 vjeç që refuzon të ikë dhe mban peng partinë, për të justifikuar shpalljen non-grata. Shpresë për çfarë? E kemi provuar një herë, dy herë, tre herë. Shokë, ka vetëm një shpresë për Shqipërinë: Partia Socialiste e Shqipërisë! Ajo është familja jonë, që punon për të mirën e të gjithëve”, tha Veliaj.
Ai theksoi se platformat për kryetarë dhe bashkëkryetarë në Farkë, Petrelë, Baldushk dhe të në gjitha njësitë e Qarkut të Tiranës, duhet t’i përgjigjen edhe pyetjes: si duhet t’i flasim gjeneratës së të rinjve. “Në vitin 2023 do të votojnë për herë të parë çuna dhe goca që kanë lindur në 2005. Sali Berisha dhe Ilir Meta e kanë marrë rrugën e tyre. Ndaj, të rinjtë duhet patjetër ta mësojnë nga familja dhe nga historia ’96-ën, ’97-ën, ’98-ën, 21 Janarin dhe Gërdecin. Ne duhet t’u flasim me gjuhën e 2023,” nënvizoi më tej ai.
Veliaj shtoi se kur e pyesin se kë mund të këtë përballë në zgjedhjet e ardhshme vendore, ka vetëm një përgjigje: “Ka shumë njerëz që më pyesin a do kandidojë Presidenti në ikje apo Saliu? Po kjo nuk ka fare rëndësi! Ne i kemi mundur ata edhe tek e tek, edhe të gjithë bashkë, me kuç e me maç. Nuk ka rëndësi fare kombinimi i tyre. Kur llogaria e shtëpisë tënde të del në rregull, nuk ka rëndësi fare çfarë ka shtëpia tjetër. Ne bëjmë llogaritë e shtëpisë tonë dhe për sa kohë Partia Socialiste është shtëpia më e madhe, më e fortë dhe më e bashkuar, ne jemi fitimtarë”, tha ai.
Mandej, kryebashkiaku theksoi se në Tiranë do të ketë edhe një treg ushqimor publik, për të thyer monopolin e privatit. “Bashkë me Ministrinë e Bujqësisë po ngrejmë më në fund një treg shumice, ku secili të shesë sa të dojë, sa të prodhojë, sa të mundet, pa barriera financiare, për t’u siguruar që fitojnë jo vetëm ata, por edhe çdo familje e Tiranës, që do të gjejë në tavolinë një produkt që vjen vetëm nga një kilometër larg”, tha Veliaj.
Komente
Lajme të tjera
-
'Ishin 2 autorë!' Vrasja e Martinit, flet babai i 14-vjeçarit të plagosur: Prindi i fëmijës bën mirë ta dorëzojë vetë! Djali ndodhet në intubim
24 Nëntor, 09:20 -
'Economic Times': Shqipëria mes vendeve ideale evropiane për të vizituar në 2025
24 Nëntor, 07:20 -
'Në rrugën drejt Shqipërisë 2030!' Turi me diasporën, Rama sot takim me shqiptarët e Londrës: Gati shqipe
24 Nëntor, 07:10 -
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Erion Braçe 'përplaset' me komentuesin: O hajvan, nuk ka urë të gatshme, po e ndërtojmë
23 Nëntor, 12:11 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09
Normal qe fajin gjithmone te tjeret e kane, sidomos ata qe nuk shohin pushtet me sy me dekada. :)
PërgjigjuSke faj ti o urithi kopshtit zoologjik se i keni gjet njerzit me halle e siklete e po ju vin mrapa prej hallit e prej detyrimit që u boni nëpër administrata. Aty 2 fise me u mledh kundra teje o laskarino ti smer mo voto sa të jet jeta në Petrel.Je trregu çik kopil që ke vu Xhemol Qefalin përgjegjës për ato zona ene po i rujb rrespektin e lidhjeve farefisnore shoqërore ene si Tironc që osht.Gjithsesi ka ene pak kohë që të reflektoj PS në rrethinat e Tironës.DIJE QË ME LEK E TU NA LUT KE ME ARDH TI ENE KUSHDO ME KËRKU VOTA. Rama duhet me pa çik ça bohet në Bashki se je lajthit fare o laskarino
PërgjigjuLaj thaj PD nje te vdekur si Berisha ka non grata. Kurse PS le qe ka disa por po mbush burgjet plot me minostra e deputete. Bajga.
Përgjigju