Kryetari i Bashkisë së Tiranës, Erion Veliaj, priti sot kryetarin e Bashkisë së Selanikut, Konstantinos Zervas, i cili ka ardhur për një vizitë pune, me rastin e Tiranës Kryeqyteti Europian i Rinisë. Kryebashkiaku Veliaj, i cili i dhuroi kryetarit Zervas, në shenjë simbolike mirëseardhjeje, Çelësin e Tiranës, u shpreh se Selaniku ka gjithmonë një derë të hapur në kryeqytetin shqiptar.
“Është një kënaqësi shumë e veçantë që jeni sot në Tiranë dhe mezi pres që Selaniku, si një qytet që ka pasur gjithmonë një derë të hapur dhe një mendje të hapur, të jetë pjesë e këtij bashkëpunimi për vitin e rinisë. Ne ju konsiderojmë njerëz të shtëpisë sonë dhe jemi shumë mirënjohës për këtë vëllazëri që kemi mes qyteteve tona,” u shpreh mes të tjerash Veliaj.
Ai e vuri theksin edhe tek shkëmbimi i eksperiencave, sidomos mes të rinjve të Tiranës dhe qytetit që pak vite më parë ishte po ashtu Kryeqyteti Europian i Rinisë.
“Ne kemi mësuar nga ju, pasi Selaniku ka qenë Kryeqyteti Europian i Rinisë në vitin 2014. Ne jemi 8 vite më pas dhe po mësojmë nga më të mirët. Shpresoj shumë që kjo të jetë një platformë fantastike, ku të rinjtë tanë, nëse merren me muzikë, nëse merren me art, nëse merren me sport, nëse merren me teknologjinë e informacionit, të kenë një mundesi fantastike per t’u lidhur me njëri-tjetrin”, nënvizoi Veliaj.
Duke sjellë në vëmendje origjinën e tij të hershme korçare, kryebashkiaku i Selanikut tha se ka shumë miq shqiptarë që jetojnë në këtë qytet.
“Mund t’iu them se stër-stërgjyshja ime ka lindur në Korçë. Më vonë asaj i eshte dashur të shpërngulej në Selanik dhe të krijonte familjen e saj. Unë iu kam qëndruar afër shumë shqiptarëve, të cilëve iu është dashur të lëviznin në ato vitet e vështira nga vendi dhe toka e tyre, për të ndjekur fatin e tyre në Greqi. Shumë prej tyre janë miqtë e mi dhe kjo tregon edhe pse dy kombet janë kaq të afërt me njëri-tjetrin, që mund të jetojnë sëbashku dhe mund të lëvizin dhe në gjeneratën tjetër,” u shpreh Zervas.
Duke iu referuar bashkëpunimit mes dy qyteteve, sidomos në këtë vit ku Tirana është dhe kryeqyteti Europian i Rinisë, Zervas tha se jane perpara shumë projekte të tjera të përbashkëta.
“Jam shumë i lumtur që shumë kompani shqiptare përdorin ekonominë e Greqisë, ashtu si edhe shumë kompani greke janë këtu në Shqipëri, në Tiranë. Pata shansin t’i takoja dhe jam shumë i lumtur për këtë bashkëpunim. Jam këtu si kryetari i Bashkisë së Selanikut për të punuar me kolegun tim, kryetarin e Bashkisë Tiranë, për të shkëmbyer praktika të mira, për të krijuar benefite për të dyja qytetet dhe na duhet që të punojmë fort për këtë. Kjo dhuratë është diçka shumë me vlerë për mua dhe për qytetarët e mi. Jam shpresëplotë që, së shpejti do të vini në qytetin e Selanikut, për t’ju dhënë edhe ju çelësin. Gjithsesi, siç e thatë edhe ju, unë mendoj që para na presin shumë gjëra për të bërë,” deklaroi kryebashkiaku i Selanikut.
Komente
Lajme të tjera
-
VIDEOLAJM/ Shikoni trafikun kilometrik në hyrje e dalje të Tiranës
26 Dhjetor, 13:23 -
Mbledhja e qeverisë, 275 mijë familje dhe individë përfitojnë nga 15 mijë lekë shpërblim për fundvitin
26 Dhjetor, 13:06 -
'Ne blejmë më shtrenjtë se qytetarët e BE', deputetja e PL-së: Shëndeti i shqiptarëve kërcënohet si nga prodhimi vendas dhe ai i importit
26 Dhjetor, 12:40 -
Tiranë/ Shiste fishekzjarre nga bagazhi i makinës, në hetim të lirë 46-vjeçari! Policia shton masat kundër shitjes së lëndëve piroteknike
26 Dhjetor, 10:27 -
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Hetimi pasuror, kryebashkiaku i Tiranës, Erion Veliaj 5 orë në SPAK! Jep shpjegime si person që ka dijeni: Do flas në këshillin bashkiak (VIDEO)
26 Dhjetor, 09:19 -
Sot Kukësi sfidon Egnatian në finalen e Superkupës, rrogozhinasit kërkojnë 'tripletën'! FSHF asnjë shpërblim për fituesin, Tetova: Duam trofeun
26 Dhjetor, 08:42 -
FOTOT/ Tirana shkëlqen për festat e fundvitit
25 Dhjetor, 21:16 -
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55
Për çfarë rinije bahet fjalë , të asaj që po ik????
Përgjigju