Kryebashkiaku Erion Veliaj ka zhvilluar një takim me kryetarin e Komunës së Ferizajt, Agim Aliu, me të cilin diskutoi mbi hartimin e një kalendari të përbashkët të aktiviteteve për të rinjtë e dy qyteteve në fushën e inovacionit, artit, kulturës etj. Veliaj u shpreh se ky është një moment i rëndësishëm për të marrë vendime të drejta për të ardhmen e qytetit.
“Pyetja për ne që drejtojmë qytetet është: A po punojmë çdo ditë, jo për të qenë më popullor, por për të marrë vendime të drejta, që ndoshta do jenë popullore? Sot mund të duken çudi për dikë që është mësuar me të vjetrën dhe tradicionalen, ama, nesër nëse fëmijët tanë do mësojnë këto kurse, e nëse qytetet tona do modernizohen, e nëse ekonomitë tona do të fuqizohen, do të thotë se kemi marrë vendimet e duhura”, tha ai.
Veliaj nënvizoi se Tirana dhe Ferizaj mund të bashkëpunojnë në fusha të ndryshme, për të projektuar 30 vitet e ardhshme.
“Ajo që i dallon qytetet progresive është aftësia për të parë të ardhmen. Më bëhet vërtet zemra mal teksa shikoj që shumë projekte i kemi të ngjashme dhe më shumë se sa të aspirojmë të mësojmë nga vende shumë larg nesh, duhet të mësojmë nga njëri-tjetri. Shikoj një pafundësi mundësish ku Tirana dhe Ferizaj mund të bashkëpunojnë, siç mund të jetë fusha e kulturës apo orientimi i shkollave drejt industrive të reja. Shoh që kemi një të ardhme të ndritur, por duhet ta fillojmë sot. Unë besoj se dita më e rëndësishme për të projektuar 20-30 vitet e ardhshme është tani”, deklaroi Veliaj.
Kryetari i Komunës së Ferizajt, Agim Aliu, deklaroi se ky takim është një bazë dhe siguri e jashtëzakonshme për të ardhmen.
“Ne jemi model të transformimeve në qytetet tona. Konsideroj se duhet të bëjmë edhe transformimin e marrëdhënieve tona, që të jenë në koherencë të plotë. Rinia nuk pret, e ardhmja jonë nuk pret – E nesërmja lind sot! Prandaj, duhet punuar sot që të ndërtojmë atë që e kemi borxh ndaj të rinjve dhe të rejave. Jam shumë i lumtur që Tirana është pikërisht Kryeqyteti Europian i Rinisë, siç e thamë edhe për kombin, i cili është më i riu në Europë, me moshën më të re. Unë besoj se ky takim, edhe së bashku, edhe me kryetarët e tjerë të komunave të Republikës së Kosovës, por edhe të bashkive këtu, do të jenë një bazë e fuqishme dhe një siguri e jashtëzakonshme që padyshim, se Shqipëria dhe Kosova do të zënë vendin e merituar”, deklaroi Aliu.
Lajme të tjera
-
Vuçiç mesazh kërcënues: Jeta është luftë, Serbia do të fitojë
24 Nëntor, 12:42 -
Presidentja Osmani: NATO mbetet aleat i pazëvendësueshëm, anëtarësimi prioritet strategjik për Kosovën
24 Nëntor, 11:35 -
Specialistja e Departamentit amerikan të Tregtisë: SHBA të interesuara të thellojnë bashkëpunimin me Kosovën për energjinë e pastër
23 Nëntor, 19:13 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09
