Mbështetja me kreditë e buta, shkollat e reja, karta e studentit, bibliotekat dhe akademitë e kodimit, janë pesë prioritetet e Bashkisë së Tiranës për të rinjtë për vitin 2021. Lajmin e mirë e dha kreu i Bashkisë së Tiranës, Erion Veliaj gjatë diskutimit me disa të rinj për projektbuxhetin 2021. I shoqëruar nga këngëtari Elgit Doda, në takimin me përfaqësuesit e gjimnazeve dhe të universiteteve, Veliaj theksoi se Tirana është një nga të vetmet bashki në rajon që inkurajon strehimin e të rinjve.
“Ne jemi ndoshta e vetmja bashki që inkurajon strehimin e të rinjve, sidomos çifteve të reja. E kemi vënë kusht që aplikuesit duhet të jenë nën 35-vjeç, meqë përcaktimi i Kombeve të Bashkuara për të rinjtë është mosha nën 35, dhe mosha e te dyve duhet të jetë nën 70-vjeç. 1000 apartamente në Tiranë shiten vetëm falë kredive të buta që jep Bashkia e Tiranës, ku ne paguajmë interesin dhe çifti i ri paguan vetëm principalin”, deklaroi Veliaj.
Ndërkohë, ai bëri të ditur shtimin e shërbimeve me tarifa të reduktuara ose zero për studentët që kanë Kartën e Studentit. Bashkia e Tiranës është në prag të firmosjes së marrëveshjes për Kartën Studentore Europiane, që automatikisht do ta njohë dhe të vlejë kudo në Europë.
“Jemi në prag të firmosjes së marrëveshjes me Kartën Studentore Europiane, që automatikisht ajo të njihet edhe në vende te tjera. Duke bërë njësimin me Kartën Studentore Europiane, ajo do vlejë kudo në Europë”, deklaroi Veliaj.
Në çdo fakultet të çdo universiteti janë pozicionuar operatorë, të cilët ndihmojnë në procesin e emetimit të kartës së studentit, duke nisur nga informacioni i përgjithshëm, plotësimi i të dhënave, e deri te lëshimi i kartës.
Karta është e rinovueshme, ka një barcode të caktuar dhe ofron akses në të gjitha institucionet apo subjektet, në të cilat është afishuar stikeri me logon “karta e studentit”. Informacionet e nevojshme në lidhje me shërbimet përmes kësaj karte janë të aksesueshme në faqen ueb dhe në aplikacionin karta e studentit.
Veliaj bëri të ditur se një vëmendje të veçantë gjatë 2021, ka edhe përfundimi i shkollave të reja.
“Tirana është kthyer e gjitha në kantier. Kemi buxhetuar këtë vit shkollat e reja, në total 17 shkolla të Bashkisë dhe 14 shkolla që i bëjmë bashkë me qeverinë. Shkolla “Sami Frashëri” ka hedhur themelet. Po ndërtojmë shkollë të re në zonën e “Don Boskos”, duke filluar nga Kthesa e Kamzës, Pallatet Gintash, të gjitha pallatet e Institutit Bujqësor, që në fakt nuk kanë patur asnjë shkollë. Tani në të dyja polet, po ndërtojmë shkollen “Vaçe Zela” dhe “Kristo Frashëri” tek “Don Bosko” dhe po ndërtojmë “Nënë Terezën” dhe “Kenedin” në Institut Bujqësor”, tha Veliaj.
Prioritet do të ketë dhe shtimi i terreneve sportive, e veçanërisht i palestrave të reja, që do të shërbejnë edhe si hapësira komunitare pas mësimit. “Ne kemi hapur 63 palestra në Tiranë që përdoren pas mësimit. S’kishim asnjë, tani kemi 63 dhe kemi edhe një listë pritjeje me 63 të tjera”, nënvizoi Veliaj.
Puna do të vijojë edhe për transformimin e Piramidës në qendrën më të madhe të inovacionit, si dhe hapjen e 6 biblioteka e të reja gjatë vitit 2021. Teksa u tregoi të rinjve rrugëtimin e tij në fushën e artit, këngëtari i njohur Elgit Doda u bëri thirrje atyre që të ndjekin modelin e punës, pasi vetëm në këtë mënyrë do të arrijnë aty ku ata duan.
Lajme të tjera
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Hapet tregu i gjelave të detit në Baldushk, apeli i kryebashkiakut Veliaj: Konsumoni produktet lokale për të ndihmuar familjet e zonës
22 Dhjetor, 12:12 -
Veliaj inspekton punimet në shkollën ‘Ibrahim Hima’ në Vaqarr: Llafet e sherret i merr era, shkollat mbeten
21 Dhjetor, 13:41 -
Trafiku në Tiranë, eksperti: Problem menaxhimi i rrugëve! Propozimet për zgjidhje, parkime jashtë Unazës së Vogël e sinjalistikë e përkohshme
21 Dhjetor, 12:30 -
Konferenca e Solidaritetit Islamik, Veliaj pret Sekretarin e ISSA-s dhe presidentin e KOKSH: Më shumë partneritet për sportin
20 Dhjetor, 14:45 -
'Ore hapeni rrugën se kam fëmijët në shkollë', opozita përplaset me qytetarët para Bashkisë së Tiranës, iu bllokon rrugën
20 Dhjetor, 13:31 -
Veliaj inspektim në shkollat ‘Mustafa Greblleshi’ dhe ‘Sandër Prosi’: Me mure rrethuese dhe terrene të reja sportive për fëmijët
19 Dhjetor, 14:06 -
Tiranë/ 7 objekte mësimore janë në proces ndërtimi ose rikonstruksioni
18 Dhjetor, 18:28 -
Tiranë/ Këshilli Bashkiak miraton buxhetin! Bursa për ekselentët, paketë ushqimore në shkolla! Veliaj: Nga 1 janari pensionistët abone falas! 7 objekte mësimore në rikonstruktim
18 Dhjetor, 18:09 -
Përfitojnë 177 mijë pensionistë në Tiranë/ Nis aplikimi i të moshuarve për abone falas
18 Dhjetor, 17:49 -
Nga Kopshti Botanik te transformimi i akuadromit, Veliaj prezanton disa nga projektet: Numri i shkollave do shkojë në 50
17 Dhjetor, 17:28 -
Tiranë/ Për herë të parë konferenca e solidaritetit islamik! Veliaj: Sporti mundësia më e mirë për të bashkuar njerëzit
17 Dhjetor, 17:17
