Veliaj vizitë në shtëpinë e rindërtuar në Farkë: Brenda vitit përfundojmë banesat e prekura nga tërmeti (VIDEO)

Kryetari i Bashkisë së Tiranës, Erion Veliaj ditën e sotme ka vizituar familjen Plaku, një ndër familjet e prekura nga tërmeti, që sot ka një shtëpi të rindërtuar.

I shoqëruar dhe nga aktori i njohur i humorit Gazmend Paja, Veliaj tha se gjatë këtij viti pritet të rindërtohen të gjitha banesat e dëmtuara nga tërmeti.

“Në programin e PS-së është që për këtë vit do i mbarojmë të 4500 shtëpitë. Janë 4500 si Zyhdiu në zonën e tërmetit, të cilët të gjithë do marrin shtëpitë e tyre të reja. Kjo përfshin edhe ata që do marrin apartamente, pra shtëpitë individuale dhe pallatet në Kinostudio e Kombinat. Unë e di që ka njerëz që merren me llafe e thonë nuk do i bëjnë, por ja ku jemi, nuk ka javë që nuk kemi ardhur në Farkë, s’ka javë që s’kemi qenë në Baldushk e Vaqarr”, u shpreh Veliaj.

Veliaj gjatë vizitës së tij tha se programi i PS-së, parashikon një rritje një rritje të rrogave për gjithë ata që kanë filluar bizneset e vogla.

Kryebashkiaku shoi se me Këshillin Bashkiak janë kaluar 1 mijë kredi të buta për çiftet e reja dhe se qeveria do të japë mbështetje disa qyteteve që të kenë ujë 24 orë.

 “Do bëjmë një rritje të rrogave për gjithë ata që kanë filluar bizneset e vogla. Deri në 400 mijë lekë do e kenë pa taksa. Gjithashtu, do caktojmë 10 mln euro vetëm për biznese ose sipërmarrje që lidhin të rinjtë me njeri-tjetrin. Me Këshillin Bashkiak kemi kaluar 1000 kredi të buta për çiftet e reja çdo vit, pra kur të rinjtë vendosin që janë gati të krijojnë familje. Lajmi tjetër i mirë është se qeveria do na japë mbështetje Tiranës, Vlorës e Durrësit, që të kalojmë 100% të qytetit me 24 orë ujë. Sot jemi 70%, që është gjë e mirë”, sqaroi Veliaj.

Aktori Gazmend Paja tha “Të nisësh ditën kaq bukur, të marrësh bekimin e këtyre njerëzve: Bravo ju qoftë kryetar, bashkë me grupin. Të shohësh gjëra kaq të mira, ta nisësh ditën kështu ku ne jemi pozicionuar në shoqëri, ne jemi pozicionuar të kënaqim njerëzit, ti në formën tënde, unë në formën time, por kur merr bekimet në fund, unë e ndjeva rrugës këtë, është një i emocion vërtetë”,

J.GJ./b.ha./Shqiptarja.com
  • Sondazhi i ditës:

    A është gati Shqipëria për sezonin e ri turistik?

Komento


×

Lajmi i fundit

John

Tiranë, hipën te skelat e restaurimit të Muzeut Kombëtar dhe kërcënon se do hidhet nga lartësia nëse nuk i firmoset kontrata e punës