POP 5

Lajmet më të lexuara të 5 minutave të fundit

Tirana

Veliaj: Zgjidh, o makinën o fëmijën! Shtohen terrenet sportive, për 4 vitet e ardhshme ambjente edhe për më të rriturit

Dy fusha të reja sportive janë shtuar së fundmi në Njësinë 7 në kryeqytet. Ndërkaq Kryebashkiaku i Tiranës, Erion Veliaj ka thënë sot se për 4 vitet e ardhshme fokusi do të jetë krijimi i mjediseve edhe për për më të rriturit.

Dy fusha të reja sportive janë shtuar së fundmi në Njësinë 7 në kryeqytet.

Kryebashkiaku i Tiranës, Erion Veliaj së bashku me deputetin e PS-së, Besnik Baraj dhe kandidatë për Këshillin Bashkiak të Tiranës, përuruan përfundimin e punimeve ditën e sotme, në sheshin e quajtur "Emil Le Grand” .

Kryebashkiaku bëri një thirrje për gjithë të rinjtë duke thënë, se mësimi asnjëherë nuk duhet lënë për lojën.

“Jam shumë i lumtur që hapim këto dy fusha fantastike, fusha komunitare. Një nga porositë që kam është që asnjëherë nuk duhet lënë mësimi për lojën. Unë besoj se kush është i mirë i bën të gjitha, pra edhe del me 10-ta, është edhe i festave, por sigurisht merret edhe me sport e aktivitete të tjera, mëson gjuhë të huaja, kompjuter”-tha Veliaj.

Ndërkaq, bëhet me dije se në Njësinë 7 do të vijojë puna për hapjen e këndeve të tjera sportive.

“Tani që po vinim rrugës identifikuam 2-3 xhepa të vegjël, ku mund të bënim një kënd lojërash, mund të bënim një tjetër street-basket, mund të vendosnim një rrjetë volejbolli”, tha ai. 

Veliaj u shpreh gjithashtu se për 4 vitet e ardhshme fokusi do të jetë krijimi i mjediseve edhe për për më të rriturit.

“Nëse në katër vitet e para fokusin e kishim kryesisht tek këndet e lojërave për fëmijë, çerdhet, kopshtet, tani po shkojmë më shumë drejt sportit e shkollave, sepse besoj që, kur janë adresuar nevojat e më të vegjëlve, mund të lëvizim tek nevojat për më të rriturit.  Kaluan 4 vite dhe tani duam që, siç kemi filluar këtu me dy fusha, siç kemi bërë tek stadiumi “Dinamo”, tek Parku Olimpik, siç kemi bërë në Kodër-Kamzë tek “Isa Boletini”, tek Liqeni, do vazhdojmë në çdo lagje. Mesazhi që japim në brendësi të pallateve, duke i kthyer në terrene sportive, besoj se do gjejë një dakordësi me prindërit sepse në fund, po ta pyesësh një prind dhe t’i thuash: Zgjidh, o makinën o fëmijën, të gjithë do zgjidhnin fëmijën”, theksoi Veliaj. 

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • BENI: 06/06/2019 23:25

    MJAFT ME LEJE PER PALLATE NE TIRANE ,,,,DUHET TE MBASH DISTANCE 30 M NGA PALLATI NE PALLAT ,,,,MOS NA E BEJ TIRANEN SI KAMZA...//

    Përgjigju
  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Izraeli bombardon Gazën veriore! 50 të vdekur mes tyre edhe 5 mjekë

Izraeli bombardon Gazën veriore! 50 të vdekur mes tyre edhe 5 mjekë

27 Dhjetor, 13:21 nga Arlind Isa