POP 5

Lajmet më të lexuara të 5 minutave të fundit

Sociale

Vendgrumbullimi në Tepelenë emergjencë mjedisore, mbi 10 ton plehra depozitohen pranë shtratit të Vjosës

Fusha e mbetjeve në Tepelenë ndodhet 10 metra nga shtrati i lumit Vjosë duke krijuar një ndotje masive të ujit dhe tokës. Një tjetër problematikë është mungesa e rrethimit, ku lëvizin kafshët duke u bërë shkak për përhapjen e sëmundjeve. Bashkia e pret zgjidhjen nga Ministria e Mjedisit e cila prej vitesh ka premtuar ndërtimin e një landfilli rajonal.

Mbi 10 ton mbetje urbane të Tepelenës dhe fshatrave depozitohen çdo ditë pranë shtratit të Vjosës.

"Ne i depozitojmë me atë metodën e vjetër të përpunimit të mbetjeve duke hapur gropa 50 cm me 50 cm ose 100 cm me 100 cm kemi dy mjete teknologjike që bëjnë transportimin. Qytetet kanë më shumë mbetje por edhe fshatrat. Në total 10 ton në ditë. Ky vendgrumbullim është hapur me vendim të këshillit bashkiak në 1994, aktualisht sipërfaqja 5 mijë metra katrorë", tha Dasho Mati.

Shishe qelqi, bidonë plastikë, qese që përhapen kur rrjedha fryhet gjatë dimrit, ndërsa mbeturinat shpërndahen deri në grykëderdhjen e Vjosës e më tutje në det duke shkaktuar ndotje të lartë. Vendgrumbullimi i mbetjeve me sipërfaqe 5 mijë metra katrorë është një shesh i hapur ku kullosin derrat, duke u bërë burim për përhapjen e infeksioneve. Bashkia e Tepelenës që menaxhon këtë fushë mbetjesh thotë se nuk e dëmton lumin por pamjet tregojnë të kundërtën.

"Kjo është një teknologji jo fort e mirë nuk e di sa e dëmton por mendoj se nuk e dëmton se vendi është me zhavorr që filtron thellë por nuk mund të themi se është teknologjia e fundit", tha Dasho Mati.

Zgjidhja duket se është ende larg! Drejtori i Agjencisë së Shërbimeve publike pranë bashkisë shprehet se Ministria e Mjedisit ka premtuar ndërtimin e një landfilli rajonal, por nuk ka një datë se kur do të nisë zbatimi.

"Na janë ofruar projekte nga ministria e mjedisit dhe nga këto kompetitorët dhe është një projekt gati në rang qarku", tha Dasho Mati.

 Emergjenca mjedisore është e njëjtë dhe në Përmet e Këlcyrë, bashki këto që depozitojnë mbetjet në rrjedhjen e Vjosës.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29