Vendimi i gjykatës për 'malin e Tomorrit'/Firmat kërkojnë të nisin punën, banorët në protestë (VIDEO)

BERAT-Dhjetëra banorë kanë dalë në protestë për të bllokuar nisjen e punimeve në guroren në Malin e Tomorrit, pas vendimit të gjykatës Administrative që rrëzoi VKM-në e qeverisë për shpalljen “Park Kombëtar.

Siç raporton gazetari i Report Tv, firmat kanë vendosur të rifillojnë sot punën pas pezullimit prej 22-muajsh të punës në këtë zonë, por banorët nuk i kanë lejuar. Ato kanë paralajmëruar se protesta e tyre do të përshkallëzohet në ditën e vijim, por në kundërpërgjigje të tyre janë paraqitur përfaqësues nga firma me vendimin e gjykatës në duar  kërkojnë zbatimin e tij.  Të pranishëm janë edhe forcat e policisë për të parandaluar një përplasje të mundshme mes banorëve dhe punëtorëve të firmave, ku në ndihmë të tyre kanë ardhur edhe Forcat e Ndërhyrjes së Shpejtë.

Në lidhje me këtë vendim të Gjykatës në Berat dy ditë më parë është mbajtur një aktivitet sensibilizues për të kundërshtuar atë ku i pranishëm ka qenë ministri i Turizmit Blendi Klosi, prefektja e qarkut të Beratit si dhe banorë të zonës që me pankarta në duar kundërshtuan vendimin e dhënë nga gjykata për të mos zgjeruar zonën e mbrojtur në Tomorr. Klosi tha se "lufta" për të mbrojtur pasuritë natyrore është e pa kthyeshme dhe se do t'i shkojnë deri në fund për ta hedhur poshtë vendimin. Në fund u nënshkrua edhe një peticion për të kundërshtuar këtë vendim të Gjykatës Administrative.

 

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet të miratohet ligji për amnistinë fiskale deri në 2 milionë euro?



×

Lajmi i fundit

John

Pjesë e grupit të ‘skifterave’ që grabitën mbi 60 banesa në Francë, Apeli i GJKKO dënon me 7 vite e 4 muaj burg Bardh Hotin