Presidenti i SHBA-së, Donald Trump ka thënë se do të vendosë tarifa doganore globale prej 15% për importet.

Trump tha të premten se do t’i zëvendësonte tarifat doganore, të cilat u rrëzuan nga Gjykata Supreme, me një taksë prej 10% për të gjitha mallrat që hyjnë në SHBA.

Por të shtunën, ai njoftoi në Truth Social se kjo do të rritej në maksimumin e lejuar sipas një ligji tregtar, shkruan BBC.

Tarifat doganore prej 15% do të hyjnë në fuqi të martën, më 24 shkurt dhe mund të qëndrojnë në fuqi vetëm për rreth pesë muaj përpara se administrata të kërkojë miratimin e Kongresit.

Trump tha se administrata e tij kishte arritur në këtë vendim, pasi e ka konsideruar qesharak vendimin e Gjykatës Supreme.

“Bazuar në një shqyrtim të plotë, të detajuar dhe të plotë të vendimit, të shkruar keq dhe jashtëzakonisht jo-amerikan mbi tarifat të lëshuar dje, pas shumë muajsh diskutimi, nga Gjykata Supreme e Shteteve të Bashkuara, kërkoj që kjo deklaratë të merret si një deklaratë se unë, si President i Shteteve të Bashkuara të Amerikës, do të rris, me efekt të menjëhershëm, tarifën globale prej 10% për vendet, shumë prej të cilave kanë “shfrytëzuar” Shtetet e Bashkuara për dekada, pa hakmarrje (derisa erdha unë!), në nivelin plotësisht të lejuar dhe të verifikuar ligjërisht prej 15%.

Gjatë muajve të ardhshëm, Administrata Trump do të përcaktojë dhe nxjerrë tarifa të reja dhe ligjërisht të lejueshme që do të vazhdojnë procesin tonë shumë të suksesshëm për ta bërë Amerikën përsëri të madhe – më të madhe se kurrë!!! Faleminderit për vëmendjen tuaj ndaj kësaj çështjeje. President Donald Trump”, deklaroi presidentii në Truth Social.

Gjykata supreme e SHBA, vendosi të premten të rrëzojë tarifat gjithëpërfshirëse të presidentit Donald Trump, të cilat ai i kishte ndërmarrë në bazë të një ligji të destinuar për përdorim në raste emergjencash kombëtare, duke hedhur poshtë një nga pretendimet e tij më të debatueshme mbi autoritetin presidencial, në një vendim me pasoja të mëdha për ekonominë globale.

Gjyqtarët, me një vendim 6-3 të hartuar nga kryetari konservator i Gjykatës, John Roberts, lanë në fuqi vendimin e një gjykate më të ulët se përdorimi nga presidenti republikan i këtij ligji të vitit 1977 kishte tejkaluar kompetencat e tij.

Trump i ka përdorur tarifat doganore mbi mallrat e importuara si një mjet kyç të politikës ekonomike dhe të jashtme. Ato kanë qenë qendrore në një luftë tregtare globale që ai nisi pas fillimit të mandatit të tij të dytë si president, duke larguar partnerët tregtarë, ndikuar tregjet financiare dhe shkaktuar pasiguri ekonomike globale.

Tarifat e Trump parashikohej të gjeneronin triliona dollarë të ardhura për Shtetet e Bashkuara gjatë dekadës së ardhshme, vendi me ekonominë më të madhe në botë.

Rendit zhvillimet sipas orarit:
Ora 18:09
Gjykata rrëzoi tarifat doganore të Trump! Macron: Është mirë të kesh kundërpesha ndaj pushtetit në demokraci

1770471804_emmanuelmacron.jpg

Presidenti francez, Emmanuel Macron

Presidenti francez, Emmanuel Macron thotë se vendimi i Gjykatës Supreme të SHBA-së mbi tarifat e presidentit Donald Trump tregon se është mirë të kesh kundërpesha ndaj pushtetit dhe sundimit të ligjit në demokraci.

“Nuk është keq të kesh një Gjykatë Supreme dhe sundim të ligjit. Është mirë të kesh pushtet dhe kundërpesha ndaj pushtetit në demokraci”, u shpreh Macron në sallonin vjetor bujqësor në Paris.

Macron theksoi se Franca do të shqyrtojë pasojat e tarifës së re globale të Trump dhe se Franca do të vazhdojë të eksportojë produktet e saj.

R.C/Shqiptarja.com