POP 5

Lajmet më të lexuara të 5 minutave të fundit

Kronikë

Vendimi i Kushtetueses për SkyECC, nis procesi në GJKKO për dosjen ‘Metamorfoza’! Avokatët e Pëllumb Gjokës kërkojnë kohë, seanca shtyhet për 21 Janar

Seanca shtyhet për në 21 janar, teksa pezullohen edhe afatet e paraburgimit. GJKKO pranoi edhe kërkesën e ish-komisarit Ardit Hasabegaj, që kërkoi kohë për t’u njohur me aktet. Biznesmeni Gjoka nuk ishte prezent. Kreu i SPAK, Altin Dumani, që përfaqëson akuzën, kërkoi nisjen e procesit dhe që të pandehurit të quhen të njoftuar

Vendimi i Kushtetueses për SkyECC, nis procesi në GJKKO për dosjen ‘Metamorfoza’! Avokatët e Pëllumb Gjokës kërkojnë kohë, seanca shtyhet për 21 Janar

Biznesmeni Pëllumb Gjoka dhe SPAK

Pas vendimit të Kushtetueses për SKY ECC, (30 Dhjetor 2024), nis gjykimi në themel në GJKKO për dosjen ‘Metamorfoza’. 

Avokatët e biznesmenit Pëllumb Gjoka kërkuan kohë, teksa trupa gjykuese e pranoi kërkesën.

Gjithashtu avokatët kërkuan që të zbardhet vendimi i Kushtetueses, para se të nisë procesi. Biznesmeni nuk u paraqit në GJKKO, por çoi avokatët.

Seanca u shty për më 21 janar, teksa pezullohen edhe afatet e paraburgimit. GJKKO pranoi edhe kërkesën e ish-komisarit Ardit Hasabegaj, që kërkoi kohë për t’u njohur me aktet.

Biznesmeni Pëlllub Gjoka po mbrohet nga avokatët Ylli Manjani dhe Gurali Brahimllari. Më 8 Nëntor GJKKO kishte pranuar kërkesën e SPAK dhe kishte kaluar për proces dosjen ndaj Gjokës dhe 6 të tjerëve. Por gjykata priti dhe vendimin e Kushtetueses për ta nisur sot (7 Janar) procesin në themel.

Prokurori Altin Dumani, njëherazi kreu i SPAK, kërkoi vijimin e shqyrtimit gjyqësor dhe viktimat e veprës penale të quhen të njoftuar, pasi gjykata ka ezauruar rrugën ligjore.

Avokati i ish-shefit të policisë Adrit Hasanbegaj kërkoi shtyrje të seancës për shkaqe proceduriale, për të pasur kontakt me klientin dhe një mbrojtje efektive.

Ndërkohë që avokatët e Gjokës kërkuan të shtyhet në afatin maksimal, për të pritur dhe zbardhjen e vendimit të Gjykatës Kushtetuese.

Në fund të diskutimeve, seanca e ardhshme u la më 21 Janar, kurse të pandehurve përfundimisht u pezullohen afatet e paraburgimit, për të shmangur edhe ngatërresat proceduriale apo djegien e këtyre afateve.

Të pandehurit e dosjes 'Metamorfoza', në gjyq: 
-Pëllumb Gjoka - biznesmen ndërtimi dhe i kazinove
-Behar Brajovic, Behar Bajri  
-Edmond Preka - shoferi i Pëllumb Gjokës
-Astmer Bilali 
-Ardit Hasanbegaj - ish-zyrtari i policisë
-Oltion Bistri - ish-shefi i Operacionales
-Xhevahir Lita - Ish prokurori i Prokurorisë së Kukësit 

A.Q/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 13:30

    Deri në 700 kWh ulet me 1 lekë çmimi i energjisë për familjet, si ju duket?

Lajme të tjera



×

Lajmi i fundit

Refuzoi që Kanadaja të ishte shteti i 51 i SHBA-së, Musk për Trudeau: Vajzë, ti nuk je më guvernatorja e vendit

Refuzoi që Kanadaja të ishte shteti i 51 i SHBA-së, Musk për Trudeau: Vajzë, ti nuk je më guvernatorja e vendit

8 Janar, 14:22