Vendimi i qeverisë, ja fëmijët
që do të marrin tekste falas 

Familjet që kanë më shumë se dy fëmijë, viktimat e trafikimit dhe fëmijët e invalidëve do të jenë disa nga ketgoritë që do të përfitojnë libra falas. Qeveria ka vendosur të mbajë premtimin e dhënë gjatë fushatës së zgjedhjeve të përgjithshme në 23 qershor 2013 për t’u dhënë tekste falas fëmijëve që nuk kanë mundësi t’i blejnë ato, si dhe për të ndihmuar familjet që kanë shumë fëmijë. Ministrja e Arsimit Lindita Nikolla, menjëherë pas miratimit të vendimit në qeveri, ka thënë se tekstet falas do të shpërndahen përpara se të nisë viti i ri shkollor. Ja 9 pyetjet që shpjegojnë se kush përfiton libra falas dhe si do zhvillohet viti i ri shkollor 2015-2016.

Kush pritet të përfitojë libra falas, pas vendimit që ka miratuar qeveria?
Një familje me tre fëmijë do të përfitonte falas libra shkollorë për fëmijën e tretë në radhën e shkollimit. Po kështu çdo familje shqiptare me katër fëmijë do të përfitoj libra falas për fëmijën e katërt dhe kështu me radhë.