TIRANË- Gjendja e emergjencës në furnizimin me energji elektrike do të zgjasë deri në 31 dhjetor 2022. Vendimi është marrë ditën e sotme në mbledhjen e Këshillit të Ministrave. Tregu aktual i bursës së energjisë ka pësuar goditje të rëndë për shkak të luftës në Ukrainë, ku çmimet kanë arritur shifra marramendëse. Për rrjedhojë qeveria ka vendosur që kjo gjendje emergjence të vijojë deri në fund të 2022, ku kulmi pritet të shënohet nga mesi i vitit, me çmime që nuk priten të ulet edhe pas krizës, të paktën sipas parashikimeve të deritanishme.
"Në mbështetje të nenit 100 të Kushtetutës dhe të shkronjës “ç”, të pikës 1, të nenit 90, të ligjit nr.43/2015, “Për sektorin e energjisë elektrike”, të ndryshuar, me propozimin e Zëvendëskryeministrit dhe ministër i Shtetit për Rindërtimin dhe Programin e Reformave dhe të ministrit të Infrastrukturës dhe Energjisë, Këshilli i Ministrave
V E N D O S I: Në vendimin nr.584, datë 8.10.2021, të Këshillit të Ministrave, bëhen këto ndryshime: 1. Pika 3 shfuqizohet. 2. Pika 5 ndryshohet, si më poshtë vijon: “5. Gjendja e emergjencës në furnizimin me energji elektrike i shtrin efektet deri më 31 dhjetor 2022", thuhet në vendim.
Gjendja e emergjencës në Shqipëri u shpall në 8 tetor 2021 nga kryeministri Edi Rama, teksa prezantoi edhe një plan me 3 pika, thelbi i së cilës ishte që nuk do të kishte ndërprerje të energjisë elektrike dhe jo rritje të çmimit. Qeveria ka planifikuar vendosjen e një fashe prej 700 kWh për qytetarët, të cilët nëse e kalojnë këtë shifër, atëherë do duhet që të paguajnë diferencën me 18 lekë për kilovatin, praktikisht si një biznes i vogël. Më herët, ministrja e Infrastrukturës dhe Energjetikës, Belinda Balluku bëri me dije se Shqipëria ka marrë 2 anije me qira që do të prodhojnë energji elektrike, që të krijojë pavarësi dhe siguri për konsumatorët. Nga ana tjetër, prej javësh, me qëllim kursimin e energjisë, është marrë vendimi që të fiken dritat në akset kryesore të vendit dhe institucionet pas orës 00:00.
Kriza energjetike ka shërbyer edhe si një arsye për përplasje mes mazhorancës dhe opozitën, me këtë të fundit që thotë se kjo nuk ka ardhur si pasojë e luftës në Ukrainë, por si rezultat i korrupsionit dhe i keqmenaxhimit të qeverisë.
Lajme të tjera
-
BSH: Kriza e inflacionit i përket së shkuarës! Bizneset pa punonjës edhe pse rritën pagat
15 Gusht, 16:57
-
Rritja e çmimeve mbetet e ulët, inflacioni zbret në 2.1% në qershor
10 Korrik, 07:24 -
Niveli më i ulët prej vitit 2021, inflacioni zbret në 2.3 %! INSTAT: Mallrat po shtrenjtohen, përveç karburantit
8 Prill, 16:51
-
Lufta e Rusisë në Ukrainë goditi ekonominë dhe në Shqipëri, çmimet u rritën në ‘stratosferë’
28 Shkurt, 10:13
-
Banka e Shqipërisë: Vendi mund të përballet me valë inflacioni! Shkak konfliktet rajonale dhe mungesa e punëtorëve
15 Shkurt, 17:27
-
Inflacioni në janar zbriti në nivelin më të ulët të 2 viteve, por çmimet e ushqimeve u rritën me 5.3%
13 Shkurt, 11:17
-
Në fundvit çmimet në Shqipëri u rritën më shumë se në BE! Eurostat: Në 2023 u shtrenjtua gjithçka me përjashtim të transportit
17 Janar, 15:48
-
Çmimet mbeten të larta, viti u mbyll me inflacion 4.7%! Ushqimet kryesojnë rritjen për 2023-shin
10 Janar, 11:29
-
Viti 2024 nis me pritshmëri pesimiste për uljen e inflacionit! BSH: Të gjithë sektorët e ekonomisë presin rritje çmimesh
5 Janar, 20:08
-
Subvencionimi për panele diellore, së shpejti hapet faza e dytë e aplikimeve! Përfitojnë 2 mijë familje
19 Dhjetor 2023, 11:28 -
Kukës/ Tregu i gjësë së gjallë në krizë për blerës! Qytetarët: S’kemi lekë, vijmë shohim e ikim duarbosh
17 Dhjetor 2023, 15:37
-
Nga janari në nëntor zarzavatet u shtrenjtuan me 17.8%! Rrapaj: Për shkak se nuk mbështeten fermerët! Braçe: Çmimet i rrit abuzimi
15 Dhjetor 2023, 16:31
