Vendimi: Kush ka objekte kulturore
duhet t’i regjistrojë brenda 6 muajsh

Të gjithë ata që posedojnë objekte të trashëgimisë kulturore duhet që t’i regjistrojnë në Qendrën Kombëtare të Inventarizimit të Pasurive Kulturore në të kundërt do të përballen me ligjin.

Ky vendim është marrë sot në mbledhjen e qeverisë me propozim të ministrit të Punëve të Brendshme dhe të ministrit të Kulturës, “Për parandalimin dhe luftën kundër trafikimit të pasurive kulturore të luajtshme 2016-2018”. 

“Ata që kanë në zotërim objekte të trashëgimisë kulturore të luajtshme, brenda 6 muajve nga data e hyrjes në fuqi të këtij vendimi, i regjistrojnë ato në Qendrën Kombëtare të Inventarizimit të Pasurive Kulturore,” thuhet në VKM-në e sotme.
 
Ministria e Punëve të Brendshme, Ministria e Kulturës, Ministria e Arsimit dhe Sportit, Ministria e Financave, Akademia e Shkencave dhe bashkitë janë institucionet e ngarkuara për zbatimin e vendimit në fjalë.

Redaksia Online
(u.s/shqiptarja.com)
 

TAG:
• akademia e shkencave