DURRES- Të zgjedhurit vendorë të PS në bashkitë dhe komunat bregdetare i kanë bërë sot thirrje Kuvendit të votojë për heqjen e moratoriumit të skafeve, pasi lënja në fuqi e tij penalizon ekonominë e këtyre njësive vendore.

Duke folur edhe në emër të krerëve të bashkive të Vlorës, Sarandës, Fierit, Lushnjës, Himarës, Orikumit, Pogradecit, Divjakës, Konispolit, Kavajës, Velipojës , Shëngjinit, etj, kreu i bashksië së Durrësit, Vangjush Dako deklaroi:

“Mbështesim amendimin e grupit te PS për shfuqizimin e moratoriumit të skafeve si një ligj që ka penalizuar në mënyrë të drejtpërdrejtë ekonomitë dhe bizneset në gjithë njësitë tona vendore. Lëvizjet demoragfike kanë bërë që bashkitë dhe komunat tona të strehojnë rreth 2/3 e popullsisë së vendit”.

Më tej Dako theksoi se mohimi i shfrytëzimit të lirë të ujrave tona, jo vetëm që na ka demtuar ekonomikisht, por dhe ka cënuar krenarinë e qytetareve tanë që e kanë konsideru detin simbol te lirisë.

“Në emer te qytetavrë tanë u kërkojmë përfaqesuevse në Kuvend, të votojnë për shfuqizimin e moratoriumit të skafeve e të bashkëpunojmë pa humbur kohë për të orientur ekonominë bregdetare, drejt një rilindje të nevojshme”- përfundoi deklaratën e tij kreu i bashksië së Durrësit, Vangjush Dako
(jd/shqiptarja.com)