Vendosnin gjoba 30-50 mijë lekë që të mos ndëshkonin farmacitë që kryenin shkelje, ndalohet punonjësi i Agjencisë Kombëtare të Barnave! Në kërkim kolegu

Vendosnin gjoba 30-50 mijë lekë që të mos ndëshkonin farmacitë që kryenin shkelje, ndalohet punonjësi i Agjencisë Kombëtare të Barnave! Në kërkim kolegu

Foto nga transmetimi i emisionit investigativ

TIRANË -Dy punonjës të Agjencisë Kombëtare të Barnave akuzohen se kanë kryer korrupsion dhe kanë shpërdoruar detyrën pasi gjobisnin farmacistë dhe fusnin paratë në xhep kur i konstatonin me shkelje. Ata janë identifikuar si Luan Lici, i ndaluar dhe Armando Luka, i shpallur në kërkim.

Të dy bashkë u merrnin farmacive shuma monetare që varionin nga 30.000 – 50.000 lekë si shpërblim që të mos i ndëshkonin me masa administrative kur i konstatonin me shkelje.

Punonjësit e Agjencisë Kombëtare të Barnave kanë konsumuar elementë të veprës penale “Korrupsioni pasiv i personave që ushtrojnë funksione publike”. Gjithashtu, në disa raste, këta punonjës kanë konsumuar elementë të veprës penale “Shpërdorimi i detyrës”, parashikuar nga neni 248 i Kodit Penal, pasi nuk kanë marrë masa administrative megjithëse kanë konstatuar shkelje tek disa subjekte farmaceutike.

Në kuadër të hetimeve të procedimit penal nr.553/2021 për veprën penale “Tregëtimi dhe transportimi i mallrave që janë kontrabandë” dhe “Magazinimi i mallrave që janë kontrabandë”, pas kontrollit të ushtruar brenda subjekteve farmaci, janë gjetur barna kontrabandë. Shitja e tyre, dyshohet se është favorizuar nga punonjësit e Agjencisë Kombëtare të Barnave dhe Pajisjeve Mjekësore.

Ndalimi i tyre vjen edhe pas transmetimit të emisionit investigativ ‘Stop’ që tregonte se si punonjësit, nëpërmjet presionit kërkonin dhe merrnin përfitime monetare nga subjekti farmaceutik me qëllim mosvendosjen e gjobës për parregullsitë që u gjendën.

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Ditë me diell e temperatura deri në 28 gradë celsius, parashikimi i motit për sot

Ditë me diell e temperatura deri në 28 gradë celsius, parashikimi i motit për sot