'Venecia' rrëzon paketën Anti-Shpifje/ Presidenca: Tregoi që Meta kishte të drejtë! Cenon Kushtetutën dhe të drejtat e njeriut

'Venecia' rrëzon paketën Anti-Shpifje/ Presidenca: Tregoi që Meta kishte të drejtë! Cenon Kushtetutën dhe të drejtat e njeriut

TIRANË- Për presidencën, Komisioni i Venecias i cili nuk i dha "ok" paketës 'Anti-Shpife i jep të drejtë presidentit Ilir Meta.

Me anë të një reagimi, këshilltari i kreut të Shtetit, Tedi Blushi, shkruan se 'Venecia; konfirmoi  qëndrimin e drejtë të Metës, sipas së cilit këto ligje bien në kundërshtim me parimet kushtetuese dhe të drejtën e lirisë së shprehjes.

"Ashtu sikundër pritej, Komisioni i Venecias ka konfirmuar qëndrimin e drejtë të Presidentit të Republikës Sh.T.Z Ilir Meta për paketën anti-kushtetuese të ligjeve "anti-shpifje". Siç është sqaruar edhe me dekretet e Presidentit Meta, këto ligje jo vetëm që nuk janë në harmoni, por bien në kundërshtim me:
– Parimet themelore kushtetuese të ndërtimit të një shteti demokratik, sigurisë juridike dhe të proporcionalitetit;
– Dispozitat kushtetuese që mbrojnë të drejtën e lirisë së shprehjes, të lirisë së shtypit dhe të drejtës së informimit;
– Jurisprudencën e Gjykatës Kushtetuese të Republikës së Shqipërisë, vendimet e së cilës përbëjnë norma të detyrueshme për zbatim;
– Nuk janë në harmoni me standartet e Konventës Evropiane të të Drejtave të Njeriut;
- Nuk janë në harmoni me jurisprudencën e Gjykatës Europianë të të Drejtave të Njeriut (GJEDNJ)

Pa garantuar lirinë e shprehjes nuk ka demokraci dhe nuk mund të ketë çelje të negociatave për anëtarësim. Liria dhe pavarësia e medias e para", shkruan Blushi.

Paketa anti-shpifje e qeverisë shqiptare nuk ka marrë "ok" nga Komisioni i Venecias, i cili në draft- opinionin e publikuar ditën e sotme, kërkojnë rishikimin ë saj. Në draftin e siguruar nga Report TV, thuhej se ky ligj nuk është gati për zbatim, pasi ka paqartësi dhe ndikon në lirinë e fjalës.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

SPAK lëshon 9 urdhër-arreste për ish-zyrtarë të Bashkisë së Tiranës, mes tyre ish drejtori i UKT dhe IMT

SPAK lëshon 9 urdhër-arreste për ish-zyrtarë të Bashkisë së Tiranës, mes tyre ish drejtori i UKT dhe IMT