Temperatura të larta rekord janë regjistruar këtë verë në Europën Juglindore, sipas një vlerësimi paraprak të shërbimit të BE-së për ndryshimet klimatike, “Copernicus”.
Banorët e këtij rajoni u ekspozuan ndaj “stresit të fortë nga nxehtësia”, pasi temperatura maksimale ditore arriti të paktën 32 gradë Celsius në 66 ditë midis qershorit dhe gushtit, njoftoi sot shërbimi “Copernicus”.
Kohëzgjatja e stresit të pandërprerë të nxehtësisë ekstreme në Evropën Juglindore këtë vit llogaritet mesatarisht 29 ditë. Në zona të tilla si Fennoscandia, një gadishull që përfshin Skandinavinë, Finlandën, dhe në Gadishullin Kola, që i përket Rusisë , janë regjistruar temperatura rekord, shtoi “Copernicus”.
Megjithatë, në Europën veriperëndimore, temperaturat mesatare nga qershori në gusht ishin afër ose nën mesataren.
Sipas rezultateve paraprake, Deti Mesdhe gjithashtu arriti rekord të lartë, ku temperatura mesatare në sipërfaqen e ujit në të gjithë pellgun ishte 28.45 gradë Celsius më 13 gusht.
“Temperaturat ekstreme në rajone të tilla si Evropa Juglindore po ndikojnë në mirëqenien e evropianëve, pasi qytetarët në këtë rajon po përjetojnë më shumë stres të nxehtësisë se kurrë më parë”, tha Samantha Burgess, zëvendësdrejtoreshë e shërbimit “Copernicus”.
Këtë vit u regjistrua gjithashtu një ndryshim i fortë sa u takon reshjeve midis rajoneve individuale në Europë. Pjesa më e madhe e kontinentit, veçanërisht ajo juglindore, regjistroi një numër nën mesataren e ditëve me lagështi.
Në rajone të tjera, duke përfshirë veriun e Mbretërisë së Bashkuar, Fennoscandia dhe shtetet baltike, pati deri në 20 ditë më shumë shi se mesatarja.
Më shumë se një e treta (35%) e lumenjve europianë, veçanërisht në Europën juglindore, kishin nivele shumë të ulëta uji. Nga ana tjetër, lumenjtë në pjesë të mëdha të Europës Qendrore kishin nivele jashtëzakonisht të larta uji për këtë periudhë të vitit./ATSH
Komente
Lajme të tjera
-
Diell dhe temperatura deri në 28 gradë, parashikimi i motit për sot
15 Tetor, 07:21 -
Mesdheu: Vapa përvëluese po kthehet në normalitetin e ri
19 Gusht, 14:26 -
Studimi: 47.000 viktima të vapës në Europë vitin e kaluar
14 Gusht, 15:35 -
Temperaturat e larta, Veliaj apel qytetarëve: Shmangni lëvizjet gjatë orëve të pikut, ndaloni te 'Çadra e Kujdesit' për ujë dhe për të matur tensionin
30 Korrik, 10:12 -
Bashkia e Tiranës ngre Çadrën e Kujdesit në sheshin 'Skënderbej', Veliaj: Matje tensioni dhe ujë falas për qytetarët
20 Korrik, 10:29 -
Temperaturat e larta, mjekët: Shmangni daljen jashtë, vishni lehtë fëmijët! Kujdes me ajrin e kondicionuar
17 Korrik, 22:36 -
Ja arsyet pse duhet të shmangni dushin me ujë të ftohtë në verë
16 Korrik, 22:05 -
Propozimi i qeverisë: Administrata mund të vijë në punë kur të dojë, mjafton të plotësojë orët
16 Korrik, 18:31 -
Temperaturat ekstreme, ja si e përballojnë qytetarët vapën në kryeqytet
16 Korrik, 14:07 -
A mund të nxiheni ose digjeni nga dielli edhe në hije?
16 Korrik, 11:49 -
Ushqimet që duhet të shmangni që të mos helmoheni gjatë stinës së verës
11 Korrik, 16:26 -
Përse nuk duhet ta lini freskuesen ndezur gjatë gjatë natës
11 Korrik, 10:11
