POP 5

Lajmet më të lexuara të 5 minutave të fundit

Kultura

Verdi Take, kineasti i shumë filmave të dashur shqiptarë rrëfen në ‘Esencë’ ‘luftën’ për të ndjekur pasionin! Dhe një surprizë emocionuese nga vajzat

Bir i një familjeje artistësh, ai lindi me emrin e një kompozitori si Giuseppe  Verdi. I ati flautist, me admirimin për artistët e quajti atë Verdi, ndërsa të bijën Anita.

Ishte 7-vjeç kur kishte lindur tek ai dëshira e madhe për të ndjekur teatër.  Dhe ky moment ishte për të mbi gjithçka. Ai hynte fshehurazi në sallë dhe shihte më ëndje shfaqjet e teatrit, një dëshirë që ngjizi tek ai pasionin për ta ndjekur këtë rrugë. Skena që të kujtojnë filmin e famshëm të Tornatores “Cinema Paradiso” por njëherësh dëshirën e pa lëkundur që lind me njeriun, për të ndjekur një pasion në jetë. Edhe pse mes sfidave, kështu do të ishte për regjisorin Verdi Take, i cili  erdhi në program për të na rrëfyer  jetën  dhe profesionin, që u bë vetë jeta e tij.

Bir i një familjeje artistësh, ai lindi me emrin e një kompozitori si Giuseppe  Verdi. I ati flautist, me admirimin për artistët e quajti atë Verdi, ndërsa të bijën Anita.

Jeta për të ka qenë sfiduese, por ai rrëfen se asnjë rrugë e detyruar që iu desh të merrte në jetë nuk e zbehu tek ai, pasionin për filmin dhe regjisuren. Në vitet ‘60, ai punoi si një nga skenaristët dhe regjisorët  e atyre filmave ushtarakë në Kinostudion “Shqipëria e re”. Edhe pse përfundoi fakultetin Ekonomik dhe Shkollën Ushtarake asgjë nuk e dorëzoi  atë dhe përkushtimin për filmin. Ai ende sot, në moshën 85-vjeçare ruan me fanatizëm dëshirën e paepur për krijimtari artistike.

Humbja e bashkëshortes në moshë të re, bëri që ai të merrte për fëmijët e tij të dy rolet e prindërve më vonë gjatë jetës. Një surprizë emocionuese në formën e një video mesazhi erdhi për Verdin nga dy vajzat e tij Miranda dhe Alketa.

Një prej miqve të tij të viteve të fundit, me të cilin ai ndan pasionin për peshkimin Jano  në mesazhin e tij surprizë, ndau kujtime të bukura dhe vlerat e miqësisë që zgjat.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Hetimi pasuror, kryebashkiaku i Tiranës, Erion Veliaj paraqitet në SPAK

Hetimi pasuror, kryebashkiaku i Tiranës, Erion Veliaj paraqitet në SPAK

26 Dhjetor, 09:19