Dyshimet se shuma të konsiderueshme parash mund të kenë dalë jashtë shtetit, kanë detyruar prokurorinë e Tiranës të kryejë verifikime në sistemin TIMS, për të parë lëvizjet dhe destinacionet e Ardian Bitraj, Mimoza Bruzia dhe të dyshuarvë të tjerë të Bankës së Shqipërisë. Sipas, prokurorëve sasia e lekëve mund të jetë shkëmbyer me valutë të huaj si euro apo dollar, dhe më pas është nxjerrë jashtë shtetit. Për prokurorinë këto janë vetëm dyshime, ndërkohë që versioni zyrtar i Ardian Bitraj, është se ai të gjitha paratë që ka marrë nga kasaforta e thesarit të shtetit i ka luajtur baste sportive dhe kazino.