Zyrtarët e Lëvizjes Vetëvendosje në Tiranë kanë hedhur kritika në drejtim të bashkësisë ndërkombëtare, në mënyrë që ta “mbrojnë” kryeministrin e Kosovës, Albin Kurtin.
I pari ishte Enis Sulstarova, themelues i VV-së në Tiranë i cili i kërkon emisarit amerikan për Ballkanin Perëndimor, Gabriel Escobar, që t’i gjejë ata që duan ta themelojnë “Zajednicën”.
“Ata që e duan në Kosovë le t’i gjejë Eskobari se kush janë”, ka deklaruar ai.
Escobar ka përmendur “partner alternativë“, në Kosovë për ta themeluar Asociacionin e Komunave me Shumicë Serbe, në rast se Qeveria Kurti refuzon.
Dega në Tiranë i është kthyer diskursit të vjetër për ta quajtur Asociacionin me emërtim të gjuhës serbe “Zajednicë”, zhargon i përdorur nga Lëvizja Vetëvendosje gjatë kohës sa marrëveshjen e Brukselit për Asociacionin e kundërshtonte me dhunë, atë botë bashkë me AAK-në dhe Nismën.
Në lidhje me Asoacionin disa fjalë i ka edhe filozofi nga Shqipëria, Elvis Hoxha, pjesë e Lëvizjes Vetëvendosje.
Për t’i reaguar bashkësisë ndërkombëtare ai e ka përdorur një analogji supozuese, ku thërret të mendohet për një skenar sikur Ukrainës t’i kërkohej themelimi i Asociaiconit
“Mendoni pak sikur të kërkohej të qetësohej Rusia me premtimin e formimit të bashkësisë së komunave me shumicë ruse në Ukrainë. Mendoni edhe ca më keq: të ishin partitë ukrainase që do ta kishin nënshkruar që më parë krijimin e një bashkësie të tillë”, ka shkruar ai në Facebook të mërkurën.
Por nuk ishte vetëm Sulstarova dhe Hoxha që kishin kritika për bashkësinë ndërkombëtare, edhe Hysamedin Feraj nga LVV e Tiranës kritikoi deklaratën e Josep Borrelit, shefit të Bashkimit Evropian për Politikë të Jashtme dhe Siguri, i cili gjatë një konference për media të dielën ka kërkuar që të forcohet EULEX’i në Kosovë për nga numri i pjesëtarëve.
Feraj i sugjeron Borrellit që këtë forcim ta bëjnë përmes rritjes së potencialit për sundimin e ligjit.
“Në fakt, më shumë se shtimi i numrit të pjesëtarëve të EULEX-it, punë do të kryente shtimi i vendosmërisë së tyre për ligj e drejtësi në gjithë Kosovën, pa dallime etnike, siç dhe është arsyeja e pranisë së tij këtu”, ka shkruar ai në Facebook.
Lëvizja Vetëvendosje në Tiranë është e njohur për qëndrimet e shpeshta destruktive në raport me bashkësinë ndërkombëtare.
Së fundmi, Boiken Abazi kishte paralajmëruar një protestë për ta kundërshtuar siç thoshte ai “presionin ndaj kryeministrit Albin Kurti”.
Ndërkohë, Kurti gjatë intervistave televizive kishte thënë se LVV-ja në Tiranë funksionon si organ decentralizues nga Vetëvendosja në Prishtinë.
Por Kurti pasi e kishte marrë postin e kryeministrit në mars të vitit 2020 ishte angazhuar direkt në fushatën zgjedhore të VV-së në Tiranë, diçka që rezultoi e pasuksesshme – pasi nuk morën vota të mjaftueshme për t’u përfaqësuar në Kuvendin e Shqipërisë./ Express
Komente
Lajme të tjera
-
Deputeti i LDK-së: Kurti ka blerë 582 milionë € energji në bashkëpunim me kompani serbe! Në dialogun me Serbinë sillet si ‘one man show'
27 Dhjetor, 19:50 -
Mbyllet edhe një institucion paralel në veri të Kosovës
27 Dhjetor, 12:24 -
Kosova mbyll dy ndërmarrje publike serbe në veri! Sveçla: Grumbullonin pagesa në mënyrë të paligjshme!
26 Dhjetor, 21:13 -
Albin Kurti 42 km rrugë? Gjatë mandatit të qeverisë u ndërtuan 1.6 kilometra për 3 vite
26 Dhjetor, 11:25 -
Kosovë/ KQZ urdhërohte të çertifikojë Listën Serbe për zgjedhjet parlamentare të 9 shkurtit
25 Dhjetor, 17:03 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Kosovë/ 100 eurot për fëmijë dhe pensionistë, fushatë zgjedhore apo ndihmesë?
23 Dhjetor, 18:47 -
Deputeti i PDK-së flet për Report Tv: Fjalimi i Ramës në parlamentin e Kosovës gjithpërfshirës, dha mesazhe se jemi një! Negativiteti i Vetëvendosjes, i pashpjegueshëm
23 Dhjetor, 12:21 -
Qeveria e Kosovës, bonus 100 euro për pensionistët dhe për fëmijët deri në moshën 16 vjeç
22 Dhjetor, 12:30 -
Starlink në Kosovë, Kurti: Hap i rëndësishëm në avancimin e infrastrukturës dixhitale
22 Dhjetor, 10:49 -
Qeverisje me duar jo edhe aq të pastra në Kosovë
21 Dhjetor, 16:04
Pu pu pu cpaskan bere. Qenka shqetsu shoku Ramiz... me fal..shoku Rama! VV nxori jashte loje dy partite kryesore osovare te superkorruptiara, bashke satelitet e tyre. Mos i ler o Rama se do te bejne njesoj tek ne. Por oburra zhvat sa te mundesh qe ta kesh thesin plot. Se ne ty te kemi tani si super kriminel.
PërgjigjuKush do ti japi votat VV eshte me saliun ,nuk ka pune partia e shpifur me mister binin ne shqipwri ,kosovaret jane te pa bese .as mos ta mendijne se do te perkrahen nga ne ata kane atdheun e tyre ,ata hane dhe pine ne Tirane dhe bejne davane e popullit te tyre ne kosove ,keshtu jepen mendimet duke qendruar larg .fain e ka vete populli i kosoves qe i dha votat mister binit .
PërgjigjuNjë ALTERNATIVË PËR DREJTËSI DHE PROSPERITET SHQIPERISE DHE SHQIPTARËVE U DUHET DHE ËSHTË JETIKE për të përmbysur règjimin hibrid të krimit e korrupsionit 32 VJEÇAR.
Përgjigju