Presidentit Joe Biden i duhet të ruajë balancën e vështirë mes dhënies së mbështetjes së plotë për aleatin më të ngushtë të Amerikës në Lindjen e Mesme, ndërkohë që përpiqet të ndikojë tek Izraeli që të veprojë me vetëpërmbajtje, në mënyrë që lufta me Hamasin të mos zgjerohet më tej. Ndërsa thellohet kriza në Lindjen e Mesme, Presidenti Biden përballet me trysni në rritje brenda Shteteve të Bashkuara dhe nga vendet aleate për të balancuar mbështetjen e tij për Izraelin me njohjen e situatës së rëndë në të cilën gjenden palestinezët e pafajshëm.
Presidenti Biden është zotuar ta mbështesë Izraelin, që synon të eliminojë grupin militant Hamas, që kontrollon Rripin e Gazës dhe që ndërmori sulmet brutale, ku mbetën të vrarë 1400 izraelitë.
Pentagoni ka dërguar këshilltarë ushtarakë dhe po përshpejton dërgimin e sistemeve të sofistikuara të mbrojtjes ajrore në Lindjen e Mesme, ndërsa pritet që Izraeli të fillojë së shpejti një ofensivë tokësore me qëllim eliminimin e militantëve të Hamasit, që qeveris Rripin e Gazës.
Shtetet e Bashkuara gjithashtu i kanë këshilluar zyrtarët izraelitë që të shtyhet sulmi tokësor, ndërsa ekziston rreziku i një lufte më të gjerë në Lindjen e Mesme dhe janë shtuar sulmet ndaj objekteve dhe interesave amerikane në rajon.
Trysnia ndaj Presidentit Biden për një përqasje të balancuar vjen nga udhëheqësit arabë në Egjipt, Irak, Jordani dhe me gjerë, ku ka patur protesta për krizën në Gazë.
Trysnia vjen edhe nga zyrtarët evropianë, të cilët janë shprehur të tmerruar nga sulmi më brutal në territorin izraelit prej dekadash, por edhe kanë nënvizuar se izraelitët duhet të zbatojnë ligjin ndërkombëtar dhe humanitar.
I pyetur dje nëse duhet të vendoset një armëpushim, Presidenti Biden tha se “duhet të lirohen njëherë pengjet” dhe se “pastaj mund të flitet” për këtë.
Por, Presidenti Biden përballet gjithashtu me trysni nga anëtarët më të rinj dhe më liberalë të Partisë së tij Demokrate, të cilët janë më të ndarë për këtë çështje se udhëheqësit më të vjetër, apo të qendrës së partisë.
Pas gati një javë luftimesh, dhjetëra ligjvënës i shkruajtën Presidentin Biden dhe Sekretarit Blinken për të bërë thirrje që të sigurohet mbrojtja e civilëve izraelitë dhe palestinezë në përmbushje të ligjeve ndërkombëtare humanitare, për kthimin e sigurt të pengjeve, dhe për përpjekje diplomatike për të siguruar një paqe afatgjatë.
Zhvillimi më domethënës që rezultoi nga vizita e Presidentit Biden në Izrael këtë javë ishte se Egjipti dhe Izraeli ranë dakort të lejojnë hyrjen në Gazë nëpërmjet pikës kufitare Rafah të një numri të kufizuar kamionësh me ushqime, ujë, ilaçe dhe ndihma të tjera jetike.
Megjithëse marrëveshja për të lejuar ndihma drejt Gazës duket se nuk luan rol të madh në këtë krizë të jashtëzakonshme humanitare, zyrtarët amerikanë thanë se përfaqëson një lëshim domethënës nga qëndrimet që Izraeli mbante përpara takimit të Kryeministrit Netanyahu me Sekretarin Blinken dhe takimeve të mëvonshme me Presidentin Biden./VOA
Lajme të tjera
-
LIban/ Izraeli sulmon Bejrutin me raketa ‘bunker busters’, synonin oficerin e lartë të Hezbollahut! 16 viktima
23 Nëntor, 09:33 -
Lufta/ Bombardimet në Liban, një tjetër sulm ndaj forcave paqeruajtëse të UNIFIL, raportohet për 4 ushtarë të plagosur në bazën italiane! Reagojnë Meloni e Borrell
22 Nëntor, 16:28 -
Kryeministri i Hungarisë zotohet të shpërfillë urdhër arrestin ndërkombëtar për homologun izraelit, Orban: Do e ftoj Netanyahun, por s’do e zbatoj vendimin e gjykatës
22 Nëntor, 11:41 -
Urdhërarresti për Netanjahun dhe ish-ministrin e Mbrojtjes, Biden: Skandaloz! 44 mijë viktima në 13 muaj luftë
22 Nëntor, 07:28 -
Netanyahu reagon për mandat arrestin: Vendim atisemitik! Ai mund të arrestohet në 124 shtete të botës, përfshirë Shqipërinë
21 Nëntor, 17:34
-
Skënder Minxhozi: Rreziku numër 1 për qeverinë: Mërzia! Ajo që rrëzoi Xho Bajden më 5 nëntor!
21 Nëntor, 15:37
-
Lufta/ Gjykata e Hagës lëshon urdhërarrest për kryeministrin izraelit, Netanyahu, ish ministrin Gallant dhe liderin e Hamasit! Në akuzë për krime lufte
21 Nëntor, 13:16 -
Pentagoni: Disa armatime mund të mbërrijnë në Ukrainë pas përfundimit të mandatit të Presidentit Biden
21 Nëntor, 07:27 -
Lufta/ Dhjetëra të vrarë nga bombardimet izraelite në veri të Gazës! Senati amerikan i jep dritën jeshile shitjes së tankeve Izraelit
21 Nëntor, 07:17 -
Lufta/ Izraeli bombardon nga ajri në Siri dhe Gaza, 43 të vrarë dhe mbi 50 të plagosur!
20 Nëntor, 21:15 -
Takimi i G20, përparësi ndryshimet klimatike dhe ulja e varfërisë
20 Nëntor, 16:06 -
Seuli thotë se Koreja e Veriut i ka dërguar armatim shtesë Rusisë
20 Nëntor, 08:58
