Vetëvritet studenti kosovar në Irak
braktisi shkollën në Britani për ISIS

Një student kosovar ka hedhur veten në erë për  të ndihmuar Shtetin Islamik të përparojë në luftimet në qytetin Ramadi në Irak.

Studenti shqiptar nga Kosova, 20-vjeçari Fatlum Shalaku studionte në Britani të Madhe dhe braktisi këtë vend për të marrë pjesë në luftimet e Shtetit Islamik në Irak.

Sipas mediave britanike, shqiptari ishte një ndër studentët më të mirë dhe ishte një djalë miqësor e i shoqërueshëm me të tjerët. Në muajin Mars, edhe vëllai i tij 23-vjeçar ishte vrarë në Siri nga luftimet që zhvillohen mes forcave qeveritare dhe militantëve të Shtetit Islamik.

Mediat e huaja raportuan se dy vëllezërit vijnë nga familje jo të devotshme myslimane nga Kosova.

Ata shkuan në Siri në vitin 2013 përmes Turqisë, duke i thënë prindërve se po shkonin për të bërë punë humanitare.


(v.gj/shqiptarja.com)