Ministrja e Shtetit për Marrëdhëniet me Parlamentin, Elisa Spiropali reagoi sot ndaj ngjarjes së rëndë të ndodhur në Durrës, ku një grua 41 vjeçe, nënë e katër fëmijëve, vrau veten për shkak të denigrimit dhe bullizmit në rrjete sociale.
"Ky rast tmerrësisht i rëndë kërkon drejtësi. Dënimi maksimal i autorit ose autorëve për shkaktim/nxitje të aktit të vetëvrasjes është më e pakta që duhet të ndodhë. Është momenti të ndërgjegjësohemi se gjuha e denigrimit dhe e dhunës në rrjete sociale prek në mënyrë shproporcionale gratë dhe vajzat, ushqehet nga kultura e dhunës patriarkale që i izolon gratë në këndin e “turpërimit” kolektiv duke u sjellë trauma të rënda individuale, familjare dhe shoqërore. Gjuha e poshtërimit dhe e denigrimit të grave gjendet rëndom në medien vizive, të shkruar dhe online, ku sulmet kalojnë pa u analizuar dhe pa u dënuar nga ligji dhe shoqëria”, theksoi Spiropali.
Sipas saj, denoncimet për krime kibernetike dhe kërcënime online duhet të trajtohen me seriozitetin maksimal nga organet ligjzbatuese dhe nga sistemi i drejtësisë.
“Legjislacioni për mediet online, krimet kibernetike, kodi penal etj, kanë nevojë për ndërhyrje imediate që kultura e shpifjes dhe e denigrimit të luftohet pa asnjë rezervë nga ligji dhe të mos kthehet në normalitet shoqëror”, tha Spiropali.
Kryeparlamentarja, Lindita Nikolla tha se do të ketë ashpërsime të legjislacionit për mediat online dhe për fyerjet dhe agresivitetet në rrjetet sociale.
Reagime pati gjithashtu edhe nga figura të showbizit, mes tyre moderatorja Arbana Osmani e cila pati edhe një thirrje drejtuar kryeministrit Edi Rama të cilit i kërkoi mbylljen e rrjetit social 'Tik-Tok' në Shqipëri.
Kryeparlamentarja Nikolla ka reaguar mbi vetëvrasjen e nënës së katër fëmijëve në Sukth të Durrësit pas bullizimit dhe denigrimit që i është bërë në rrjetin social ‘Tik-Tok’ ku kushërira e saj i kishte hapur një profil fallco.
Në reagimin e bërë, Nikolla shprehet se do të ketë ashpërsim të legjislacionit të Kodit Penal për mediat online, krimet kibernetike dhe fyerjet në rrjetet sociale.
Reagimi i plotë i Nikollës:
“Një nënë e katër fëmijëve, u vetësakrifikua për shkak të denigrimit në mediat sociale. Fëmijët dhe bashkëshorti humbën njeriun e tyre më të dashur, që i kishte thirrur për t’u gëzuar bashkarisht për festat.
U bëj thirrje organeve të drejtësisë t’u japin shkaktarëve dënimin maksimal, të merituar.
Kjo ngjarje tragjike duhet të shërbejë si një apel i fuqishëm për shoqërinë dhe institucionet.
Kuvendi do të rishqyrtojë menjëherë, me përparësi ashpërsimin e legjislacionit për mediat online dhe Kodin Penal, sidomos dispozitat që lidhen me krimin kibernetik, sulmet, fyerjet dhe agresivitetin në rrjetet sociale.
Agjencitë ligjzbatuese duhet të reagojnë më shpejt, me më shumë forcë dhe efiçience për parandalimin e rasteve të tilla, të cilat ndodhin para syve të të gjithë shoqërisë dhe shkaktojnë ngjarje tragjike e trauma familjare.
Ngushëllime fëmijëve, bashkëshortit dhe familjarëve të të ndjerës! U prehtë në paqe!”
Vetëvrasja e 41 vjeçares nënës së 4 fëmijëve në Sukth të Durrësit pas denigrimeve që i ishin bërë duke i hapur një profil fallco në facebook, ka shkaktuar reagime të ashpra nga opinioni publik në vend.
Mes figurave të njohura që kanë reaguar për ngjarjen e rëndë, është edhe moderatorja Arbana Osmani e cila duke i konsideruar denigruesit në rrjetet sociale si ‘vrasës modernë që kanë armë tastierat’ i bëri thirrje kryeministrit Edi Rama duke i kërkuar mbylljen e rrjetit social ‘Ttik-Tok’.
“Tmerr, vrasësit e kohëve moderne kanë “armë”, tastierat, por janë gjithmonë vrasës. Mbylleni këtë dreq Tik Toku. Tani!”, shkruan Osmani krahas lajmit duket etiketuar kreun e qeverisë, Edi Rama.
Ministri i Brendshëm Taulant Balla ka reaguar për vetëvrasjen e 41 vjeçares në Sukth të Durrësit pas denigrimit që i ishte bërë në rrjetin social Tik-Tok duke i hapur një profil fallco në emrin e saj.
Balla shkruan se duhet bërë gjithçka që të eliminohet dhuna ndaj vajzave e grave qoftë edhe online.
“Duhet të bëjmë gjithçka për parandalimin dhe eliminimin e dhunës ndaj grave e vajzave, e cila mbetet forma më e përhapur e shkeljes së të drejtave të njeriut në mbarë botën! AsnjëJustifikim ndaj dhunës – as në shtëpi, as në vendin e punës, as në jetën publike, AS ONLINE”- përfundon reagimi i Ballës.
Komente
Lajme të tjera
-
Mbetjet e dyshuara toksike në Durrës, banorët protestë: Të largohen nga vendi ku janë vendosur! Pse i sollën te ne?
17 Nëntor, 15:12
-
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
Samiti për klimën në Baku/ Spiropali takim me kryetaren e parlamentit të Azerbajxhanit
16 Nëntor, 22:27 -
Kokaina nga Amerika Latine përpunohej në laborator në Fushë Krujë e çohej në BE! Baza edhe tek 'Kodra e Diellit 2'! SPAK: 10 të arrestuar mes tyre 3 të huaj! Në 48 ton lëkurë gjedhi fshihet droga e importuar (EMRAT)
16 Nëntor, 07:23 -
Operacion antidrogë, zbulohet laborator në Qerekë të Niklës! Kontrolle te rezidenca e VIP-ave 'Kodra e Diellit' në Tiranë, disa të arrestuar! Udhëhiqet nga SPAK e autoritetet spanjolle (VIDEO)
15 Nëntor, 19:38 -
Vrasja e vëllezërve Haxhia në Durrës, Apeli i GJKKO dënon me 25 vite burg Klevis Allën! Humbi statusin e bashkëpunëtorit se dha dëshmi të rreme
14 Nëntor, 10:57
-
Kuvendi/ Debate të forta, Bardhi: Hajduti dy metra intimidoi deputetët e opozitës! Shtyni me 3 javë afatin e Komisionit! Spiropali: Mos fyeni, e shtymë dy herë
14 Nëntor, 10:31 -
Ervin Salianji reagon nga Burgu i Fierit: Skandal, Spiropali nuk dërgon në SPAK hetimin e TIMS! Ndaj më burgosën, kamikaze e Ramës
14 Nëntor, 09:31 -
Plagosi me armë zjarri një person në Rrethrrotullimin e Plepave 6 muaj më parë, ekstradohet nga Gjermania 25 vjeçari (EMRI)
13 Nëntor, 14:55 -
Spiropali pret homologun e Maqedonisë së Veriut Gashi: Shqiptarët faktor stabiliteti, respektimi i gjuhës shqipe dhe të drejtave i shërben integrimit
13 Nëntor, 14:32 -
Basha nxjerr videon: Ndarja e politikës me krimin prioritet, rasti Çyrbes dëshmon se mandati i Ramës është produkt i bandave
10 Nëntor, 18:40 -
Restaurohen pikturat murale në kishën e Shna Ndout në Kepin e Rodonit! Rëndësia e zbulimeve në objektin e kultit të shekullit Xlll
10 Nëntor, 16:16
Prit gomar sa te dale bari,kështu i thon kësaj pune, njerëzit vdesin,atehere kujtohen te bejne ligje
PërgjigjuNe parlament kemi degjuar te shahen grate deri ne "prostituta " dhe "lavire bulevardi" e tjere dhe nuk eshte denuar asnje ,ky eshte shembulli i mire i burrave te fuqishem shqiptare.. ..
Keto masa duheshin marre me kohe por duhet te behet dikush shkak per te vepruar mekanizmi.Jep mendimin tend dhe te shajne nga familja(analfabetet ryshfetxhijte,shpellaret).Ose te nxjerr ligjin kush shan te dal me emer dhe mbiemer te shohim sa trima jane.
PërgjigjuTil-tokun s’e mbyll dot Qeverria e ER. Vetem Koreja e Veriut mund ta beje. Qeverria e ER, me anen e Ministrit te Drejtesise, duhet te kishte kerkuar ndonje masë per Vajzën e tezes se te ndjeres! Te presim reagimet! Mirë qe jane mediat, Stop-i, ndonje gazete sériiez, se shefat e korruptuar dhe Porkuroret e paafte, po e perdhosin misionin e detyres qe ju ka dhe e ligji.
PërgjigjuMbrojtja e vajzave dhe grave ne Shqiperi te fillloj nga denimi i Gazmend Bardhit qe ka fyer kushedi sa here grate deoutete ne parlamentin shqiptar! Gjithashtu te denohen shpifjet e sajuara ndaj vajzave grave dhe te rinjve ,te denohet dhe dhuna psikologjike ne media!
Përgjigju