Deklaratave dhe akuzave të eksponentëve të opozitës se Shqipëria është i vetmi vend që njerëzit vetëvriten në spitalet covid, Kryeministri Edi Rama ka zgjedhur t’i përgjigjet sot me shifra konkrete të vetëvrasjeve në vendet më të zhvilluara të botës.
Në komunikimin që është duke zhvilluar me gazetarët, Kryeministri Edi Rama apeloi gazetarët që të kenë përgjegjshmëri maksimale në këtë drejtim.
Si mund të nxjerrin këtu që njerëzisht vetëvriten se s’ka kushte në spitale. Vetëm në Itali në periudhën maj-gusht janë vetëvrarë 71 persona.
Katër persona në Arabinë Saudite janë vetëvrarë teksa kuroheshin me covid. Në Mbretërinë e Bashkuar po ashtu janë vetëvrarë 4 persona. Një infermiere vrau veten duke u hedhur nga spitali. Mjekë rusë janë vetëvrarë duke u hedhur nga dritaret e spitalit. Katër pacientë janë vetëvrarë në spitalet e Kievit, kryeqytetit të Ukrainës. Dy burra nga një prej spitaleve të Kievit. Më 19 tetor një grua është hedhur nga një spital i Kievit. Më 20 tetor një tjetër burrë është hedhur nga dritarja. Qeveria e Shqipërisë i nxit këto vetëvrasje nëpër botë apo i nxisin kushtet e këqija në spitalet e Shqipërisë? E kuptoni sa e rëndësishme është të japësh informacion sot kur bëhet fjalë për një sëmundje që lidhet me komponentin e ankthit.
Në SHBA, në emergjencat federale, në muajin prill janë regjistruar mbi 1000 për qind shumë thirrje nga familjarët e personave të infektuar me covid për probleme psikologjike. Është vetëvrarë personel shëndetësor në Neë York me hedhje nga dritarja.
Në një studim qysh në muajin maj është paraparë rritja e numrit të vetëvrasjeve me 32 përqind globalisht.
Në Poloni ka pasur vetëvrasje të personalit shëndetësor. Edhe në Greqi ka pasur vetëvrasje në një qendër sociale. Këto janë shifra në vende me një cilësi të shëndetësisë dhe shkencës që vetëm një gazetar që fliste për aparaturat për mund ta vërë në dyshim. Në këto kushte duhet përgjegjshmëri dhe duhet të mendohesh dy herë për ta dhënë lajmin”, u shpreh ndër të tjera Kryeministri.
Lajme të tjera
-
Rama i jep fund zërave! Konfirmon kandidimin për deputet në Vlorë: Mos hapni llafe se nuk do jem aty (VIDEO)
25 Shtator 2020, 18:05 -
PD: Qeveria të lërë pushimet dhe të merret me planin për rihapjen e shkollave
17 Gusht 2020, 14:06 -
Tabaku: Tarifa e inceneratorëve, prova e radhës që tregon se Rama zhvat shqiptarët
16 Qershor 2020, 15:01 -
Përzierje emocionesh në 1 min e 20 sekonda...videoja që do ju bëjë të ndiheni krenarë në këto ditë të vështira për Shqipërinë (VIDEO)
16 Mars 2020, 08:32 -
Replika në distancë për negociatatat! Rama: Po lobon kundër Shqipërisë duke valëvitur flamunj pa leje! Meta: Nuk merrem me gruan e Bilalit
5 Mars 2020, 14:55
