Vettingu/ Fati i Gjykatës së Lartë brenda korrikut, përpara KPK 3 gjyqtarët e fundit

Fati i Gjykatës së Lartë mbyllet brenda muajit korrik. Gjyqtarët e mbetur për të kaluar në Vetting, do dalin përpara Komisionit të Pavarut të Kualifikimit brenda kësaj jave. Komisioni i Pavarur i Kualifikimit (KPK) publikoi gjatë pasdites së të mërkurës edhe dy seancat e tjera ndaj gjyqtarëve Shkëlzen Selimi e Artan Broci.

Shkëlzen Selimi ka trajtuar çështje shumë delikate si rasti i Arben Frrokut, Ilir Xhakës, Indrit Dokle, Dritan Dajti apo Aldo Bare, duke dhënë në disa raste burgime të përjetshme për njerëz që ndaj tij mund të hakmerreshin nëse humb "imunitetin" që mban me rolin e gjyqtarit.

Procesi dëgjimor ndaj tyre do të mbahet të premten, ndërsa në datën 30 korrik do të jetë seanca e anëtarit tjetër të Gjykatës së Lartë, Medi Bici. Shkëlzen Selimi do të ketë seancën e tij dëgjimore në orën 11:00. Trupa gjykuese e tij përbëhet nga Xhensila Pine, Etleda Çiftja dhe Valbona Sanxhaktari. 

LEXO EDHE:
Vrau 4 policë në 2009, Gjykata e Lartë vendos më 4 qershor për Dritan Dajtin! Prokuroria kërkon rikthimin e dënimit me burg përjetë

Seanca dëgjimore e Artan Brocit do të zhvillohet në orën 13:00, me të njëjtën trupë gjykuese. Nga Gjykata e Lartë janë konfirmuar në detyrë Xhezair Zaganjori, Ardian Dvorani dhe Edmond Islamaj. Ndërkohë që janë shkarkuar nga detyra Admir Thanza, Artan Zeneli dhe Tom Ndreca.

TAG:
• artan broci
• gjykata e larte
• vettingu
• shkelzen selimi
• medi bici
• dritan dajti

Sondazhi i ditës:

A ka politika frikë nga SPAK-u?

• Po

  67.5%

• Jo

  29.1%

• Nuk e di

  3.4%

Vota total: 117

• Sondazhi i ditës:

  A ka politika frikë nga SPAK-u?

  Po Jo Nuk e di