Vettingu/ KPK konfirmon në detyrë prokurorin Alfred Progonati

KPK konfirmoi sot në detyrë Alfred Progonatin, prokuror në Prokurorinë e Përgjithshme, pas seancës vlerësuese të bërë tre ditë më parë. Për prokurorin Progonati ILDKPKI tha se ai ka bërë deklarim të saktë dhe nuk gjendet në situatën e konfliktit të interest dhe se subjekti ka burime të ligjshme për të justifikuar pasurinë. Ai ka deklaruar si pasuri një apattament 126 metër katrorë në Tiranë, i ndërtuar në vitet 2005-2006, dhe i paisur me certifikatë pronësië i blerë për 70 mijë euro, që i kishte më parë në Prrenjas, si të ardhura nga shitja e banesës. Prokurori kishte marrë 31 mijë euro kredi dhe u konstatua se në fillim shuma apartamentit ishte deklaruar 67 mijë euro.

DSIK vlerësoi se Progonati është i përshtatshëm për të vazhduar detyrën. KPK ka kryer hetim të pavarur dhe ka konstatuar se subjekti s’ka kontakte të papërshtatshme dhe ndaj tij s’ka patur denoncime nga qytetarët. Sipas KPK, sa u përket aftësive porfesionale, Progonati i përmbush me përpikmëri kriteret si për disiplinën në punë, ashtu edhe aftësinë për të marrë vendime, ndërsa çështjet që ka patur i ka përfunduar në kohë.

TAG:
• vettingu
• KPK
• prokuroria e pergjithshme
• ildkpki