POP 5

Lajmet më të lexuara të 5 minutave të fundit

Kronikë

Vettingu në polici do bëhet nga Agjencia e Mbikëqyrjes, filtër drejtuesve! Report TV zbardh draftin e ndryshimeve

Në polici do të realizohet vettingu vetëm për nivelet drejtuese dhe për gradat e larta, pas tërheqjes së qeverisë për realizimin e procesit edhe për efektivët e thjeshtë. Ndryshimet e ligjit kanë shfuqizuar Komisionin e Jashtëm të Vlerësimit dhe Komisionin Vendor të Vlerësimit, ndërsa procesin e vetting-ut për drejtuesit e policisë do ta realizojë Agjencia e Mbikëqyrjes policore.

Qeveria është tërhequr tashmë nga vetting-u i plotë në Policinë e Shtetit. Report Tv zbardh draftin e ndryshimeve të reja, të cilat shfuqizojnë zyrtarisht institucionet e vetting-ut, Komisionin e Jashtëm të Vlerësimit dhe Komisionin Vendor të Vlerësimit, i cili nuk hyri asnjëherë në funksion për gradat e ulëta.

Ndryshimet e ligjit “Për vlerësimin kalimtar dhe periodik të punonjësve të Policisë së Shtetit, Gardës së Republikës dhe Shërbimit për Çështjet e Brendshme dhe Ankesave në Ministrinë e Brendshme” shfuqizojnë KJV-në dhe KVV-në,amendamente që janë në fazën e diskutimit. Katër vite pas nisjes së këtij procesi, ekzekutivi, nisur edhe nga sugjerimet e ndërkombëtarëve, vendosi të kalojë vetting-un në duart e Agjencisë së Mbikëqyrjes Policore, ish-SHÇBA, e cila reflektohet në ndryshimet e nenit 5. Qeveria nuk e sheh më të nevojshme të kontrollojë pasurinë, aftësinë profesionale dhe pastërtinë e figurës për gradat e ulëta në polici, por vetëm për ata që pretendojnë të kenë poste drejtuese në vazhdim.

E thëne ndryshe, nëse Komisioni i Jashtëm i Vlerësimit dhe Komisioni Vendor i Vlerësimit do tëkalojë në sitë tëgjithëpunonjësit e policisë, nga gradat e larta deri tek ato më të ulëta, tashmë AMP do të përqendrohet vetëm tek drejtuesit. Në nenin nr. 6 të projektligjit, sipas amendimeve përcaktohet se AMP do të kalojë në filtër të gjithë hierarkinë drejtuese duke nisur nga drejtori dhe zëvendësdrejtori i përgjithshëm të Policisë së Shtetit, drejtor departamenti, drejtor i Drejtorisë Qendrore, drejtor në strukturat e veçanta,drejtor e zëvendësdrejtor vendor, drejtor në drejtoritë e kufirit dhe migracionit, shef komisariati, shef sektori në nivel qendror e vendor që mbulon fushën e krimit të organizuar, krimit ekonomik/financiar dhe Policisë Rrugore. E njëjta gjë vlen edhe për drejtuesit kryesor të Gardës. E veçanta qëndron se vetë AMP do të bëjë vetting edhe për drejtuesit kryesorë të saj.

Trupa e vlerësimit të Agjencisë së Mbikëqyrjes Policore është e ngjashme me Komisionin e Jashtëm të Vlerësimit, i cili në katër vite funksion arriti të firmosë vetëm 57 vendime. Drafti i ndryshimeve të reja pritet të kaloj në vazhdim në komisionet parlamentare, për të shkuar në fund për miratim edhe në Kuvend.

B.K./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Policia: 12/05/2022 01:47

    Jemi Banda shteterore. Asnje veting sna shqeteson. Me respekt Policia e shQiPtareve

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29