POP 5

Lajmet më të lexuara të 5 minutave të fundit

Kronikë

Vettingu në polici, rinisin seancat publike në Komisionin e Jashtëm të Vlerësimit për SHÇBA-në! Pas përfundimit, SHÇBA bën vetting për Policinë dhe Gardën

Vettingu në Polici është përqëndruar vetëm tek vlerësimi kalimtar i punonjësve të Shërbimit për Çështjet e Brendshme dhe Ankesave pranë Ministrisë së Brendshme. Pas një mungese dy mujore, më në fund kanë nisur seancat në Komisionin e Jashtëm të Vlerësimit. Pas përfundimit të të gjithë punonjësve të SHÇBA, kjo e fundit do të verifikoj Policinë e Shtetit dhe Gardën e Republikës

Vetting-u në Policinë e Shtetit tashmë zyrtarisht ka hyrë në një proces verifikimi vetëm për anëtarët e Shërbimit për Çështjet e Brendshme dhe Ankesave, pranë Ministrisë së Brendshme. Të gjithë pjesëtarët e kësaj strukture, të cilët më vonë do të jenë ata që do të kryejnë vetting-un për Policinë e Shtetit, do të jenë të parët që do të përfundojnë këtë proces, pas vonesave të shumta që prej dy vitesh.

Pas dy muaj pezullimi rifillojnë seancat publike në vetting-un në polici. Për shkak të ndryshimeve në ligj, e gjithë vëmendja do të përqendrohet tek SHÇBA-ja. Subjektet e kësaj të fundit do të përfundojnë në mënyrë të plotë verifikimin në tre kriteret e hetimit, pasuri, pastërti figure dhe aftësi profesionale, dhe më pas ata persona që do rezultojnë të pastër, do të marrin në vetting punonjësit e Policisë së Shtetit dhe të Gardës së Republikës. Në tre ditët e fundit, Komisioni i Jashtëm i Vlerësimit ka kryer dy seanca publike për subjekte të SHÇBA-së. Të martën u përballë Albion Sinani, specialist i trajtimit të ankesave, i cili rezultoi i pastër në të tre kriteret e kontrollit. Këtë të enjte Erjena Bashari, me funksion Shefe Sektori e Poligrafit, rezultoi e pastër.

Kur procesi ka zgjidhur ngërçin e parë, puna për rreth 45 punonjës të SHÇBA-së që duhet të kalojnë në vetting, pritet të ec me ritme të mira, duke mos reflektuar të njëjtat pengesa që janë hasur tek punonjësit e Policisë së Shtetit.

Gjatë dy viteve të vetting-ut në polici, prej nisjes së procesit, janë konfirmuar në detyrë 31 drejtues, përjashtuar nga detyra 4, dhanë dorëheqjen 5 të tjerë, duke e çuar në total në 40 numrin e të verifikuarve. Ritmet ishin të ngadalta, aq sa detyruan disa deputetë të Kuvendit të kërkojnë pezullim të procesit në Polici dhe në Gardë dhe përqendrimin vetëm tek SHÇBA-ja.

Dy probleme u ekspozuan në proces. I pari ka të bëjë me rishikimin në tërësi të mënyrës së shkallëve të të bërit të vetting-ut në trupën e Policisë së Shtetit. Dhe problemi tjetër është përgatitja e një trupe të brendshme, e cila duhet të merret me një proces të vazhdueshëm të verifikimit të figurës, sidomos gjatë zhvillimit të karrierës së punonjësit të Policisë.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu