POP 5

Lajmet më të lexuara të 5 minutave të fundit

Sociale

SNUS trend i gjimnazistëve, eksperti Shuperka ngre alarmin: Po vriten fëmijët! Shitja e anti-duhanit nën moshën 18 vjeç, e papranueshme

Vëzhgimi i Report TV lidhur me SNUS, një produkt anti-duhan me përmbajtje të lartë nikotine që po përdoret masivisht si trend nga të rinjtë, ka marrë vëmendjen e ekspertëve të shëndetit publik.

Vëzhgimi i Report TV lidhur me SNUS, një produkt anti-duhan me përmbajtje të lartë nikotine që po përdoret masivisht si trend nga të rinjtë, ka marrë vëmendjen e ekspertëve të shëndetit publik. Eksperti për anti duhanin Roland Shuperka e konsideron tepër të rrezikshme përdorimin e SNUS nga minorenët, duke i bërë apel autoriteteve  të marrin masa lidhur me kontrollin e këtij produkti.

“Nuk mundet që ti, një shitës me pakicë, të vrasësh fëmijën tim duke shitur produkte alternative të duhanit nën moshën 18 vjeç, kjo është e papranueshme”, tha Shuperka.

Apeli është i fortë nga një prej ekspertëve më të njohur të shëndetit publik në vend, Roland Shuperka për alarmin që ngre përdorimi i SNUS nga të rinjtë, i vërtetuar se është tashmë trend në gjimnaze nga vëzhgimi i Report Tv. Konsumi i këtij produkti nga të rinjtë të cilët nuk kanë qëllim lënien e duhanit, por e shohin vetëm si modë për ekspertin Shuperka është jashtëzakonisht i rrezikshëm për shëndetin.

 “SNUS-i ka hyrë muajt e fundit në vendin tonë dhe që po përdoret si trend nga moshat e reja, duan të eksperimentojnë, presioni i grupit. Por problemi kryesor është se ky produkt si çdo produkt tjetër duhani dhe nga të gjitha produktet e reja alternativa është jashtëzakonisht i dëmshëm dhe nuk bëhet fjalë për përdorim nga të rinjtë. Ky produkt nuk rekomandohet të përdoret nga personat që nuk janë duhanpirës”, shtoi ai.

I ndaluar në shumë vende të Europës pasi shkakton kancer të gojës, SNUS është një produkt i paketuar në qeska të vogla si ato të çajit është një lloj duhani i grirë i lagësht dhe pa tym i cili vendoset mes buzës dhe dhëmbëve, përmban nikotinë dhe ka si qëllim të ndihmojë duhanpirësit të lënë duhanin. Në vëzhgimin e bërë nga Report TV në kryeqytet, konstatoi se SNUS, jo vetëm që tregtohet lirshëm nëpër tabachino pranë shkollave, por klientët më të shpeshtë ishin vetë ata, gjimnazistët.

Gazetari: A blejnë të rinjtë?

Shitësja: E marrin shumë, këta mosha e shkollës, gjimnazet, e marrin.

Teksa apelon për institucionet një zbatim më të rreptë të ligjit lidhur me ndalimin e shitjes së këtij produkti për të rinjtë, profesor Shuperka këshillon prindërit të jenë vigjilentë me fëmijët e tyre, ndërsa bashkëpunimin e tyre me mësuesit kujdestarë në shkolla e konsideron tepër të domosdoshëm.

B.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Dosja 'Sky ECC' në Greqi: Çfarë u zbulua për Aleksandër Sadikajn dhe si u transferuan në Spanjë 400 mijë euro nga Denis Grabocka

Dosja 'Sky ECC' në Greqi: Çfarë u zbulua për Aleksandër Sadikajn dhe si u transferuan në Spanjë 400 mijë euro nga Denis Grabocka

25 Dhjetor, 18:45