POP 5

Lajmet më të lexuara të 5 minutave të fundit

Sociale

Vëzhgimi në shkolla, në Tiranë nxënësit mësim me xhupa! Kaldajat jo gjithmonë ndizen, nxënësit sjellin vetë rezistenca! Prindërit: Kanë ftohtë

Ndonëse jemi në muajin janar ende disa shkolla në kryeqytet kanë probleme me ngrohjen, ku në shumë raste as sistemi me kaldaja nuk funksionon. Nga një vëzhgim i Report Tv shkollat 9-vjeçare “Bajram Curri” dhe “Drita Pelinku” nxënësit zhvillojnë mësimin në të ftohtë e me xhupa veshur.

Jemi në stinën e dimrit dhe padyshim që sistemi i ngrohjes në shkolla është shumë i rëndësishëm, Shkolla “Bajram Curri” haset me këtë problematikë. Nxenësit na treguan se detyrohen të qëndrojnë në klasë me xhupa ose të blejnë vetë rezustencë pasi kaldaja herë ndizet e herë jo.

Nxënësit që e kanë sjellë vetë ngrohësen nga shtëpia janë më të privilegjuarit, të tjerët që janë ulur në bankat e fundit e ku ngrohja nuk arrin kanë sërish ftohtë.

"E mbaj ngrohesen te këmbet e mia, pasi e kam sjellë vetë” - shprehet një nxënës. 

Dhe prindërit tregojnë raste ku fëmijët u kanë pohuar se kanë patur ftohtë gjatë kohës që ndodheshin në klasë.

"Dje më tha vajza kam patur ftohtë."-shprehet një prind.

Me kamerën e Report Tv bëmë një vëzhgim dhe në shkollën “Drita Pelinku” ku nxënësit na raportuan se kaldaja jo gjithmonë ndizet, në klasa rrinë me xhupa, madje ka patur raste kur janë ftohur.

Prindërit shprehen se strukturat përkatëse duhet të marrin masa të menjëhershme, pasi fëmijët e tyre ua kanë besuar shkollave publike.

/AV/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?

Lajme të tjera



×

Lajmi i fundit

O’Brien nesër në Beograd për takime me krerët e Serbisë

O’Brien nesër në Beograd për takime me krerët e Serbisë

19 Prill, 22:54