VIDEO/'Marsi i ndritshëm', Saturni
dhe Hëna "afrohen" pas 13 vjetësh

TIRANË - Për hërë të parë pas 13 vjetësh planeti Mars, Planeti Saturn dhe sateliti ynë natyror Hëna janë parë nga Toka pranë njëri-tjetrit. Hera e fundit që dy planetet dhe Hëna kanë pasur këtë "afrim" ka qënë në 28 gusht të vitit 2003 dhe e njëjta dukuri do të përsëritet në 27 korrik 2018.

Marsi ndodhet në pikën më të afërt me Tokën duke u dukur më i shndritshëm për herë të parë pas dy vitesh. As ndriçimi i hënës së plotë nuk e ka zbehur dritën e Planetit të kuq.

Hëna e plotë e ashtuquajtur dhe "Hëna blu" (blue moon) kur hëna e plotë ndodh për herë të 4-të në një vit (Zakonisht në muajt Prill ose Maj), edhe pse hëna nuk merr vërtet ngjyrën blu.

Dukuria arriti pikën kulmore dje rreth mesnatës dhe në orët e para të mëngjesit të 22 majit por mund të shikohet edhe mbrëmjen e sotme më sy të lirë.

Marsi mund të shihet në fotot e Shqiptarja.com poshtë hënës së plotë, i shndritshëm me nuancat e ngjyrës së kuqe ndërsa Saturni mund të shihet në anën e majtë të hënës.


(Hëna, Saturni dhe Marsi në qiellin e Tiranës, foto 00:30, 22 maj)


(Vendodhja e planeteve dhe yjeve në hapësirë, të para nga Toka)


(Hëna e plotë në qiellin e Tiranës, foto 00:30, 22 maj)


(Hëna e plotë dhe planeti Mars në qiellin e Tiranës, foto 00:30, 22 maj)  FOTO

• Share