Është mësur identiteti i kamionistit shqiptar i cili humbi jetën dje në një aksident tragjik në Trento të Italisë.

Bëhet fjalë për një shofer 48 vjeçar, i cili prej kohësh jetonte në Gjermani.

Ai është Edmond Boci, i cili paraditen e djeshme, teksa drejtonte një kamion transporti të një kompanie gjermane u përplas me një trajler me targa çeke.

Por dhënia e ndihmës së parë ndaj tij vonoi për shkak të një veture e cila udhëtonte në korsinë e emergjencave. Ky denoncim i rëndë mbërriti direkt në faqen facebook të Zjarrfikësve të San Michele all'Adige, të cilët ndërhyrnë dje në mëngje në autostradën A22 në aksidentin që fatkeqësisht i mori jetën shoferit të kamionit.

Me sa duket, ndërmjet shoferëve të mbetur të bllokuar në pjesën e autostradës përpara vendit të aksidentit, dikush mendoi që të devijonte në korsinë e emergjencës. Një veprim, i cili, përveçse ndalohet, mund të cungojë në mënyrë serioze shpejtësinë e ndërhyrjes për dhënien e ndihmës së shpejtë.

[gallery]24691[/gallery]

s.k/Shqiptarja.com