Video/ Aksion gjobash nga policia e Tiranës, ja gabimi që s’duhet të bëjnë më shoferët

Policia e Tiranës, prej disa ditësh vijon punën me shërbime shtesë në funksion të zgjidhjes së shqetësimeve të ndryshme të adresuara nga qytetarët në numrin pa pagesë 112.

Nisur nga shqetësimet dhe konfuzioni që krijohet herë pas here në kryqëzimet kryesore të kryeqytetit, për shkak të mos respektimit të normave të sjelljes nga përdoruesit e rrugës, Policia Rrugore e kryeqytetit ka intensifikuar monitorimet dhe kontrollin me shërbime të organizuara, kryesisht për pozicionimin e mjeteve në korsitë e duhura të lëvizjes si dhe parakalimet e gabuara në afërsi të kryqëzimeve, shkelje të cilat shkaktojnë trafik të rënduar dhe janë burim i shtuar për aksidente rrugore.

Gjatë kontrolleve të ushtruara sot në pika kontrolli, si Ura e Lanës në Bulevardin “Dëshmorët e Kombit”, kryqëzimi i rrugës “Jordan Misja” me rrugën “Asim Vokshi”, janë konstatuar dhe ndëshkuar 47 drejtues mjetesh për shkelje të rregullave të qarkullimit rrugor.

LEXO EDHE:
Shkelën rregullat në rrugë/ Mbi 27 mijë shoferë u gjobitën brenda një jave, 28 u arrestuan

Në drejtim të rritjes së parametrave të sigurisë në fundjavë, Policia Rrugore e Tiranës, do vijojë kontrollet me Drager e Radar në të gjitha rrugët e Tiranës si dhe në autostradën Tiranë - Durrës - Tiranë me qëllimin e vetëm, rritjen e parametrave të siguresë së jetës në rrugë.
 

TAG:
• qarkullimi rrugor
• gjoba

Sondazhi i ditës:

Si i vlerësoni mesazhet që dha Rama në takimin me diasporën në Athinë?

• Të drejta

  85.4%

• Të gabuara

  9.9%

• Nuk e di

  4.7%

Vota total: 2091

• Sondazhi i ditës:

  Si i vlerësoni mesazhet që dha Rama në takimin me diasporën në Athinë?

  Të drejta Të gabuara Nuk e di