VIDEO/ Arratisja spektakolare e 2
vjeçarit e denjë për skenë filmash

Vogëlushët me prapësitë e tyre ndonjëherë bëhen protagonistë të zotë që pa frikë mund të krahasohen me skena filmash.
 
Vogëlushi Leo është vetëm 21 muajsh por pa hezitim e kanë krahasuar me Houdinin, një legjendë e artit të arratisjes, kjo pasi ka kaluar 2 “porta sigurie”.
 
Një portë nuk ishte e mjaftueshme për të ndalur “gangsterin” aventurier, ndaj nëna e tij e ka parë të arsyeshme të vendosë dy të tilla, por si duket deri në atë moment s’e ka njohur mirë të birin.
 
Vogëlushi ja ka dalë të kalojë pengesën, duke arritur të dalë pa shumë vështirësi dhe i buzëqeshur nga hapësira ku e kishin kufizur.
 
Leo është përshkruar nga nëna e tij si një “majmun i vogël” që gjithmonë përpiqet të arratiset nga krevati, të arrijë karriget e larta apo të ikë nga sedilja e makinës.