Për herë të 28-të në histori, Barcelona është fituese e La Ligas. Trofeu i kampionit u sigurua nga katalanasit në derbin kundër Espanyol dhe dy raunde nga fundi i sezonit është koha për festë.

Klubi 'blaugrana' nuk ka pritur dhe të premten e 16 majit rrugët e Barcelonës u mbushën me afro 700 mijë tifozë të etur për të parë nga afër yjet e tyre. Gjithçka nisi nga mitiku "Camp Nou" në rinovim, me punëtorët që panë nga pranë futbollistët.

Ishte presidenti Joan Laporta që i dha udhë festës. Me autobus të hapur, lojtarët dhe stafi ndoqën një itinerar në rrugët kryesore të qytetit. Lamine Yamal me shokë shijuan një festë legjitime për një sezon të shkëlqyer që i sheh me tre trofe, atë të La Ligas, Kupës së Mbretit dhe Superkupës së Spanjës.

Ndërkohë pengu i madh ishte për eliminimin nga Interi në gjysmëfinalet e Champions League.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 11 Qershor, 23:51

    Jeni dakord me kërkesën e gjyqtarëve për rritje të pagës me 700 euro?

Lajme të tjera