MADRID, Spanjë - Pas një gjysme të parë sezoni jo të lehtë në La Liga dhe Ligën e Kampionëve, Real Madridi ka gjetur mënyrën ideale për të rikthyer atmosferën festive në shtëpinë e tij. Stadiumi “Bernabeu” është shndërruar këto ditë në një park argëtues dimëror, duke u kthyer në qendër të festimeve të Krishtlindjeve në kryeqytetin spanjoll.

Nga data 23 deri më 31 dhjetor, stadiumi pret eventin “Mavidad”, një lojë fjalësh mes Madridit dhe “Navidad” (Krishtlindje në spanjisht), që ka transformuar fushën legjendare të Realit në një fshat përrallor të mbuluar me dëborë artificiale dhe aktivitete për të gjitha moshat.

Në “Bernabeu” janë ngritur nëntë zona argëtimi, të shpërndara në të gjithë fushën. Mes tyre spikat “Lumi Magjik”, ku vizitorët mund të shijojnë patinazhin mbi akull, si dhe një karusel festiv, treg ushqimi dhe aktivitete të shumta familjare.

Atraksioni më emocionues mbetet një rrëshqitëse gjigante, e cila u lejon vizitorëve të rrëshqasin nga tribunat e stadiumit drejt fushës, duke përjetuar “Bernabeun” nga një këndvështrim krejtësisht i ri.

Përtej futbollit, Real Madridi po e shndërron stadiumin e tij mitik në një pikë takimi për qytetarët dhe turistët, duke i dhënë “Bernabeut” një rol të veçantë edhe jashtë fushës së lojës gjatë festave të fundvitit.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Shkurt, 10:30

    Haga kërkon dënimin me 180 vite burg për ish-krerët UÇK, si e vlerësoni?

Lajme të tjera