Brazili ka fituar bindshëm miqësoren e fundit në prag të Botërorit, duke treguar se është gati për këtë eveniment. Pesë herë kampionët e botës mposhtën 3-0 Austrinë në Vjenë, në një stadium të mbushur plot.
Brazili ka dominuar totalisht, ku Neymar dhe Coutinho nuk janë kursyer aspak për të hyrë në dyluftime. Megjithatë, goli i parë ka rdhur shumë vonë (36’), kur pas një gjuajtje të Marcelo-s, topi ka ngecur te Jesus, që me mjeshtëri ka shënuar.
Ritmi i Brazilit vijon i njëjtë edhe në pjesën e dytë. Neymar, në minutën e 63-të, vepron bukur me topin në zonë dhe me klas çon topin në rrjetë.
![](https://shqiptarja.com/template/img/NO_ALFA_Kuadrate shqiptarja.png)
Gjashtë minuta më pas ka vend edhe për Coutinhon, që ashtu si Neymar, lirohet mirë dhe gjen cepin e portës së Austrisë. 3-0 dhe Brazili kursehet në fund, duke dashur të mos turpërojë vendasit para publikut të tyre.
![](https://www.shqiptarja.com/template/img/sh_logo1.png)