VIDEO/ Dhëndri shpërthen në 
dasmë, nusja e trajtonte si 'lolo'

Me shumë gjasa kjo martesë nuk e ka të gjatë! Dhëndri shpërtheu gjatë ceremonisë së dasmës, pasi e ndjeu veten si 'lolo', kur gruaja luante me pirunin që mbante në dorë, duke shkaktuar të qeshura në sallë.

Në videon e publikuar në LiveLeak, të sapomartuarit dukeshin fillimisht shumë të lumtur. Gjatë momentit të prerjes së tortës, të gjithë të ftuarit u mblodhën rreth çiftit. Nusja e buzëqeshur, i ofron dhëndrit një pjesë nga torta dhe sapo ai afrohet për ta ngrënë, e largon.

Në këtë moment, një grua që qëndronte në krahun tjetër të dhëndrit, me siguri mamaja e tij (që ia di kokën mirë), ndërhyn dhe përpiqet t'i japë tortën. Sidoqoftë nusja tërhiqet sërish në momentin e fundit dhe përsërit për të disatën herë të njëjtin veprim. 

Sjellja e saj shkaktoi të qeshura tek të ftuarit, por dhëndrit nuk iu duk aspak argëtuese! Ai shpërtheu dhe shkelmoi tavolinën e tortës, duke i lënë të gjithë gojëhapur me reagimin e papritur. Gratë e tjera nga ana tjetër përpiqeshin ta mbanin për të shmangur ndonjë të papritur.

Shpresojmë vetëm që kjo nuse të jetë mirë në momentin që flasim...
Redaksia Online
(m.p/shqiptarja.com)